ආදරේ ටිකක් වැඩිපුර එකතු කරලා සෙක්ස් ලයිෆ් එක තව සාර්ථක කරගන්න ටිප්ස්! – Saru News Media

0
12

දැන් ඔය ගොඩක් අය කියන දෙයක් තමයි, සෙක්ස් කරන්න මට ආදරේ ඕන කියන එක. ඒක බොරුවක් නෙවෙයි. සාමාන්‍යයෙන් අපිට ශාරීරික සම්බන්ධතාවයකට යන්න නම් හොඳ මානසික සම්බන්ධතාවයක් අනිවාර්යයෙන්ම අවශ්‍ය වෙනවා. එහෙම නැතුව කිසිම මානසික සම්බන්ධතාවයක් නැතිව ශාරීරිකව එකතු වෙන්න නම් අපි එක්කෝ රොබෝවරු වගේ වෙන්න ඕන, එහෙම නැතිනම් නිකම්ම සෙක්ස් ටෝයි එකක් වෙන්න ඕන. හැබැයි ඒ මානසික සම්බන්ධතාවය ආදරේමද කියන එක සෑහෙන්න වාදවිවාද වලට පාත්‍ර වුණු දෙයක්. ඒ නිසා මේ මොහොතේ අපි ඒ ගැන කතා නොකරන ඉමු.

 

හැබැයි ඇත්තටම දෙන්නෙක් අතරේ ඉතාම හොඳ මානසික සම්බන්ධතාවයක් තියෙනවා කියන්නේ, ඒ දෙන්නගේ සෙක්ස් ලයිෆ් එකත් වඩාත් හොඳින් එන්ජෝයි කරන්න පුලුවන් වෙනවා කියන එක තමයි. හැබැයි මේ කියන්නේ නීත්‍යානුකූල බැඳීම් ගැන නෙවෙයි. උදාහරණයක් විදියට කිව්වොත්, නීතියට අනුව හස්බන්ඩ් ඇන්ඩ් වයිෆ් වුණත්, ඒ දෙනා අතර ඉතාමත්ම හොඳ මානසික සම්බන්ධතාවයක් නැතිනම්, සෙක්ස් කිරීම ඒ තරම් එන්ජෝයි කරන්න පුලුවන් දෙයක් වෙන්නෙ නෑ. හැබැයි නීතියෙන් සම්බන්ධතාවයක් නැතත්, එකිනෙකා කෙරෙහි ආදරයක්, දෙන්නා අතර ඉහළ මානසික සම්බන්ධතාවයක් තියෙනවා නම් සෙක්ස් ලයිෆ් එක සෑහෙන්න තෘප්තිමත් එකක් වෙයි. ආන්න ඒ කාරණාව නිසා තමයි, කොහොමද දෙන්නෙක්ගේ සෙක්ස් ලයිෆ් එක තව රොමෑන්ටික් කරගන්න පුලුවන් වෙන්නේ, සෙක්ස් ලයිෆ් එකට තව ටිකක් ආදරේ එකතුකරගන්න පුලුවන් වෙන්නේ කියන එක ගැන අපි අවබෝධයෙන් ඉන්න වුවමනා.

 

මේ ඒකට ටිප්ස් කීපයක්!

 

සාමාන්‍යයෙන් දෙන්නෙක් මුණගැහුනට පස්සේ ඇඳට යන තැනට එන්න කලින් ෆ්ලර්ට් කරන, කතා බහ කරන කාලයක් තියෙනවනේ. ඒක හරියටම කිව්වොත් බොහොම සුන්දර කාලයක්. හැබැයි ඒක සුන්දර කාලයක් වෙන්නේ ඒක හරියට ග්‍රහණය කරගන්න පුලුවන් වුණොත් තමයි. ඒ කියන්නේ කෙනෙක් එක්ක අපි කතා බහ කරන්නේ ඇඳට නගින්නේ කොයි වෙලේද කියලා බලාගෙන නම්, අපිට ඒ කෙනාව හරියට අඳුනගන්න හොඳ චාන්ස් එකක් මිස් වෙන්නේ. අන්න ඒ නිසා, මේ කතා බහ කරන කාලේ දෙන්නට දෙන්නා හොඳින් අඳුනාගන්න වෙන් කරන එක හොඳ දෙයක්. ඒ කියන්නේ ගතිගුණ, ගතිලක්ෂණ ගැඹුරින් සයිකොඇනලිසිස් කරන ලෙවල් එකක් නෙවෙයි. හැබැයි එක් එක්කෙනා අකමැති දේවල්, කැමති දේවල් ගැන දැනගන්න, එයාට සතුටු හිතෙන දේවල්, දුක හිතෙන දේවල් දැනගන්න පුලුවන් මේ කතාබහෙන්. ආන්න ඒක රොමෑන්ටික් සෙක්ස්  වලට හොඳ ප්‍රවේශයක්.

 

මේකත් උඩ කියපු කාරණාවට සම්බන්ධයි. දැන් සාමාන්‍යයෙන් අපි කෙනෙක්ව ඩේට් කරනකොට සිද්ධ වෙන්නේ මොකක්ද? ඔන්න අපි කෙනෙක්ව දැන හඳුනගන්නවා මොකක් හරි ක්‍රමයකින්. ඊට පස්සේ ඔන්න අපි ඒ කෙනා එක්ක අපි කතාබහ කරන්න පටන් ගන්නවා. ඒ කතාබහ එක්ක දෙන්නට දෙන්නා කම්ෆර්ටබල් කියලා තේරෙනවා නම්, දෙන්නට දෙන්නා කැමැත්තකුත් තියෙනවා නම්, ඔන්න එක්කෙනෙක්ට පුලුවන් අනික් කෙනාට ඩේට් අවුට් එකකට ආරාධනා කරන්න. ඊට පස්සේ ඩේට් අවුට් එකකට ගිහින් දෙන්නට එකිනෙකා එක්ක කාලය ගත කරලා, තව සමීප වෙන්න පුලුවන්. දැන් මෙතනදී ඕන නම් දෙන්නට පළවෙනි ඩේට් අවුට් එකෙන්ම කෙළින්ම ඇඳට යන්නත් පුලුවන්. ඒකේ වරදක් කියන්න බෑ. හැබැයි පළවෙනි ඩේට් අවුට් එකෙන්ම ඇඳට නොයා, ඩේට් අවුට් කීපයක් ගියාට පස්සේ සෙක්ස් කරන්න යන එකෙන්, දෙන්නා අතරේ සම්බන්ධය වඩාත් ශක්තිමත් වෙන්න ඉඩක් ලැබෙනවා. ඒක සෙක්ස් වඩාත් රොමෑන්ටික් වෙන්නත් හේතුවක්.

 

මේක ඉතින් බොහොම පුළුල්ව කතා කරන්න ඕන කාරණාවක්. අපිට වෙන දවසක විස්තරාත්මකව කතා කරන්නත් පුලුවන්, කොහොමද සෙක්ස් කරනකොට පරාර්ථකාමී වෙන්නේ කියලා. හැබැයි මේ කියන්න යන්නේ ඒ සම්බන්ධයෙන් නෙවෙයි. සම්බන්ධතාවයක් ඇතුළේ ආත්මාර්ථකාමී බව හෝ පරාර්ථකාමී බව කොහොමද සෙක්ස් ලයිෆ් එකට බලපාන්නේ කියන එක. කොහොමත්, මූලික රීතියක් හැටියටම, ආත්මාර්ථකාමී ලිංගික සම්බන්ධතාවයකින් කෙනෙක්ට ලබාගන්න පුලුවන් සතුට අඩුයි. ආන්න ඒක ලව් ලයිෆ් එකටත් අදාළයි. ඒ කියන්නේ, අපි කෙනෙක් එක්ක සම්බන්ධතාවයක් ගොඩනගා ගන්නේම අපිට මොනවහරි ලබාගන්න නම්, එතන පරාර්ථකාමී අදහස් නැතිනම්, එතන ලව් එකක් තියෙනවද කියන එකත් සැකයි. ඒ නිසා, මුලින්ම ලව් කරනකොට අනිකා ගැන හිතන එක, පරාර්ථකාමී වෙන එක හොඳ දෙයක්. වෙන විදියකට කියනවා නම්, එයාව සතුටු කරන්න අපිට කරන්න පුලුවන් මොනවද කියලා හිතන්න. එයාගේ සතුට අපෙත් සතුට කරගන්න. අන්න එතකොට, සෙක්ස් ලයිෆ් එකත් පරාර්ථකාමී වෙනවා. ඒක වඩාත් රොමෑන්ටික්.

 

Saru FM Media

LEAVE A REPLY

Please enter your comment!
Please enter your name here