ආදර සම්බන්ධතාවයක් නවත්තන්න ඇත්තටම සාධාරණ හේතු කීපයක්! – Saru News Media

0
14

අපි හැමෝම ජීවිතේ එක පාරක් හරි ආදරේ කරලා ඇතිනේ. එතනින් තමන් පටන් ගත්තු ආදර සම්බන්ධතාවය තාමත් සතුටින් කරගෙන යන අය ඉන්නවා. හැබැයි අපි හැමෝටම එහෙම කියන්න බැහැ. සමහර වෙලාවට අපි එක හිතින්, ජීවිත කාලෙම එකට ඉන්නවා කියලා පටන් ගත්තු ආදර සම්බන්ධතා පවා බිඳ වැටෙන අවස්ථාවන් තියෙනවා. හැබැයි නිකමට හිතලා බලන්න, එහෙම අපේ ආදර සම්බන්ධතාවයක් කඩාගෙන වැටෙන්නේ, එහෙම නැතිනම් අපි නවත්තලා දාන්නේ මොන වගේ හේතු නිසාද? ඒ හැම හේතුවක්ම ඇත්තටම එක් හිත් හිතාගෙන පටන් ගත්තු ආදර සම්බන්ධතාවයට තිත තියන්න තරම් සාධාරණද? ඇත්තටම නම් නැහැ. අපි සමහර වෙලාවට අපේ පෙරුම් පුරාගෙන පටන් ගත්තු ආදර කතාවලට තිත තියලා තියෙන්නේ ඇත්තටම දෙන්නට දෙන්නා කතාකරලා, අවබෝධයෙන් විසඳගන්න තිබුණු හේතු නිසා. 

 

හැබැයි එහෙම වුණාට, සමහර වෙලාවට ආදර සම්බන්ධතාවයක් නවත්තලා දානවා ඇරෙන්න වෙන කරන්න දෙයක් නැති වෙන විදියේ හේතු තියෙනවා. අඩු ගාණේ එහෙම හේතු මොනවද කියලා දැනගෙන හිටියොත්, එතනින් මෙහා විසඳගෙන ආයෙමත් ආදරේ පටන් ගන්න පුළුවන් හේතු නිසා, තමන්ගේ ආදර කතාව අවසාන කර නොගෙන ඉන්න පුළුවන්. අන්න ඒ නිසා තමයි අපි මේ හේතු ලැයිස්තුව හදන්නේ!

 

 ආදර සම්බන්ධයක දෙන්නෙක් ඉන්නකොට, එතනින් එක්කෙනෙක් චීට් කරන්න පුළුවන්ද? ඒ කියන්නේ එක පාට්නර් කෙනෙක්ට රහසින් වෙන සම්බන්ධයකට යන එක? ඒක දීර්ඝ කාලීන රහස් සම්බන්ධයක් වෙන්නත් පුළුවන්. එහෙම නැතිනම් එක පාරක් දෙපාරක් සෙක්ස් කරලා ඉවර වෙන විදියේ සම්බන්ධයක් වෙන්නත් පුළුවන්. ඒ කොහොම වුණත්, එහෙම තත්ත්වයකදී මොකද කරන්නේ? ඇත්තටම එහෙම එක දෙයක් නිසා ආදර සම්බන්ධතාවයක් එපා කියලා අයින් වෙන්න අවශ්‍ය නැහැ. මොකද, එහෙම තත්ත්වයක් ඇති වෙන්න ඕන තරම් හේතු බලපාන්න පුළුවන්. ඒ සමහර හේතු අතිශයින්ම සාධාරණ වෙන්නත් පුළුවන්. අන්න ඒ නිසා, එහෙම තැනකදී දෙන්නට දිගටම ගමන යන්න පුළුවන් විදියේ අවබෝධයකට එන්න පුළුවන්ද කියලා බලන්න ඕන.

 

හැබැයි සමහර වෙලාවට ආදර සම්බන්ධතාවයේ ඉන්න එක පාට්නර් කෙනෙක්ට චීටින් කියන එක නවත්තගන්න බැරි දෙයක් වෙන්න පුළුවන්. ඒ කියන්නේ එක්කෝ එයා දැන් ඉන්න අනියම් සම්බන්ධතාවයෙන් මිදෙන්න සූදානම් නෑ. එහෙම නැතිනම් එයා එක පාරක් දෙපාරක් නෙවෙයි, දිගින් දිගටම චීට් කරනවා. ආන්න එහෙමනම්, ඒ ආදර සම්බන්ධතාවය අවසන් කරනවා ඇරෙන්න වෙන විකල්පයක් නෑ.

 

 

ආදර සම්බන්ධතාවයක් පටන් ගන්න ඕන එකිනෙකාගේ ජීවිතේට අත්වැලක් වෙන්න නෙවෙයි. තමන්ගේ ජීවිතේ අඩුවක් පුරවගන්න නෙවෙයි. ආදර සම්බන්ධතාවයක් පටන් ගන්න ඕන දෙන්නා එකිනෙකාට ආදරේ නිසා. හැබැයි මේ ආදර සම්බන්ධතාවය පොඩ්ඩක් සීරියස් මට්ටමට ගිහිල්ලා, දෙන්නට දෙන්නා ජීවිතේ බෙදාගන්න තැනකට ආවට පස්සේ එකිනෙකාගේ ජීවිතේට එකිනෙකාගෙන් ලැබෙන සපෝට් එක සෑහෙන්න වැදගත්. ඒ කියන්නේ සල්ලි බාගෙන් දෙන සපෝට් එක නෙවෙයි. අඩු ගාණේ මෝරල් සපෝර්ට් එකක් ඕන. ඒ කියන්නේ එකිනෙකාගේ ජීවිතේ තියෙන ටාගට් වලට යන්න, ප්‍රශ්න ගැටළු එක්ක ගනුදෙනු කරන්න මානසිකව හරි සහාය ලැබෙන්න ඕන. දෙන්නා එක ටීම් එකක් කියන එක ඔළුවට එන්න ඕන. ඒක අපි කියමු දෙන්නගෙන්ම හරි එක පාට්නර් කෙනෙක්ගෙන් හරි ලැබෙන්නෙ නැහැයි කියලා. සමහර වෙලාවට ඒක කතාබහ කරලා විසඳගන්නත් බැරි නැහැ. හැබැයි එහෙම කරලත් එක පාට්නර් කෙනෙක්ගෙන් හරි දෙන්නගෙන්ම හරි එහෙම ජීවිතේට සපෝට් එකක් ලැබෙන්නෙ නැහැ කියන්නේ, ගොඩක් වෙලාවට ඒ සම්බන්ධතාවය පවත්වාගෙන ගිහින් තේරුමක් නෑ.

 

 

Saru FM Media

LEAVE A REPLY

Please enter your comment!
Please enter your name here