ඉරාන ප්‍රහාරයට ප්‍රතිචාර දක්වන බව ඊශ්‍රායලය පවසයි – Saru News Media ජාත්‍යන්තර පුවත්

0
21

නිසි වේලාව පැමිණි පසු ඉරාන ප්‍රහාරයට ප්‍රතිචාර දක්වන බව ඊශ්‍රායලය පවසනවා.

අප්‍රේල් පළමු වනදා සිරියාවේ අගනුවර වන ඩමස්කස්හි පිහිටි ඉරාන කොන්සල් කාර්යාලයට ඊශ්‍රායලය ගුවන් ප්‍රහාරයක් එල්ල කළා.

ඉන් ඉරාන හමුදා ජෙනරාල්වරු දෙදෙනෙකු ඝාතනයට ලක්වුණා.

ඊට ප්‍රතිචාර දැක්වීමේ අරමුණින් ඉරානයද ඊයේ ප්‍රහාර මාලාවක් එල්ල කළා.

ඊශ්‍රායල හමුදා ප්‍රකාශක රියර් අද්මිරාල් ඩැනියෙල් හගාරි පැවසුවේ ඉරානය පුපුරණ එම ප්‍රහාර සඳහා ඩ්‍රෝන යානා, කෲස් සහ බැලස්ටික් මිසයිල 300ක් පමණ යොදා ගත් බවයි. එහෙත් එම ප්‍රහාර වලින් 99%ක්ම ඊශ්‍රායලය සාර්ථකව මැඩපැවැත්වූ අතර ඊට ඇමරිකා, බ්‍රිතාන්‍යය, ජෝර්දාන හා අනෙකුත් මිත්‍ර හමුදා සහාය දුන් බවයි.

අලුයම 01:45 ට පමණ ඊශ්‍රායලයේ ගුවන් ප්‍රහාර සයිරන් නාද නිකුත් වුණා. මෙලෙස එල්ල කල ප්‍රහාර වලින් දකුණේ හමුදා කඳවුරකට සුළු හානි සිදුවී ඇති අතර, ඊශ්‍රායල හමුදාව පැවසුවේ, ආරක්ෂක වළල්ල හරහා ගිය මිසයිල ප්‍රහාරයකින් හත් හැවිරිදි ඊශ්‍රායල දැරියක් බරපතල තුවාල ලබා ඇති බව ය.

 

 

Saru FM Media

LEAVE A REPLY

Please enter your comment!
Please enter your name here