ඊලොන් මස්ක් ගැන නොදත් කතා – Saru News Media

0
10

SpaceX ව්‍යාපෘතියත් එක්ක ඊලොන් මස්ක්ගේ නම නැවත වරක් බොහෝ පුවත්පත්වල සිරස් තල වල සඳහන් වෙන්න පටන් ගත්තා. 2021 ජනවාරි මාසයේ ඇමසන් නිර්මාතෘ ජෙෆ් බෙසෝස්ගේ වත්කම් ප්‍රමාණය ඉක්මවා යමින් ලෝකයේ ධනවත් පුද්ගලයා බවට පත්වීමේ හැකියාව ඔහුට ලැබුණා. නමුත් ඉන් මාසයකට පසුව යළිත් ජෙෆ් බෙසෝස් පළමු ස්ථානයේ යළිත් ලබා ගත්තා. අපි අද ඊලෝන් මස්ක්ගේ ජීවිතයේ තොරතුරු සංක්ෂිප්තව ඔබ වෙත ගෙන එන්න බලාපොරොත්තු වෙනවා.

 

1971 ජූනි 28 දකුණු අප්‍රිකාවේ උපත ලබපු ඊලෝන් රීව් මස්ක්ගේ මව කැනේඩියානු ජාතික කාන්තාවක්. ඔහුගේ පියා වුණු  ඊලෝර් මස්ක් දකුණු අප්‍රිකානු ජාතිකයෙක්. ඊලෝන්ට බාල කිම්බල් සහ ටොස්කා නම් සහෝදර සහෝදරියන් දෙදෙනෙක් පවුලට එකතුවුණු අතර 1980 දී ඔවුන්ගේ දෙමවුපියන් සිය විවාහය නිමා කිරීමට තීරණය කළා. ඊලෝන් සිය පියා සමග රැඳී සිටීමට තීරණය කළ අතර තම ජීවිතයේ සිදුකළ අවාසනාවන්තම අත්වැරැද්ද එය බව පසුව ඔහු ප්‍රකාශ කළා. අද පවා ඔහු තම පියා පිළිබඳව කතා කරන්නේ දැඩි ආවේගයෙන්.

 

වයස අවුරුදු දහයේදී එවකට ජනප්‍රිය වෙමින් පැවතුණු පරිගණක තාක්ෂණය කෙරෙහි උනන්දුවක් දැක්වූ ඔහු කුඩා අත්පොතක් ආධාරයෙන් පරිගණක වැඩසටහන් නිර්මාණය කිරීම පිළිබඳව ස්වයං අධ්‍යයනයක නිරත වී වීඩියෝ ගේම් එකක් හඳුන්වාදීමට සමත් වුණා. පසුව මෙහි අයිතිය සඟරාවක් වෙත ලබාදී ඩොලර් 500ක පමණ මුදලක් උපයා ගැනීම ඔහුගේ ළමා කාලය තුළ ලද එක් ජයග්‍රහණයක්.

 

ඔහු තම මූලික අධ්‍යාපනය දකුණු අප්‍රිකාව තුළ ලබාගත් අතර පාසලේ ඔහු එතරම් ජනප්‍රිය සිසුවෙකු වුණේ නැහැ. තම පන්ති සගයන්ගේ නිරන්තර පීඩාවට ලක්වූ ඔහු වතාවක් රෝහල්ගත කරන ලද්දේ එවැනි පිරිසක් විසින් පඩිපෙළකින් තල්ලු කිරීම නිසයි. වැඩිදුර අධ්‍යාපනය ලැබීම සඳහා කැනඩාව වෙත ගිය ඔහු විශ්වවිද්‍යාල අධ්‍යාපනය අවසාන කළේ පෙනිසිල්වේනියා විශ්වවිද්‍යාලය තුළිනුයි.

 

ඊලොන් මස්ක් විවිධ අවස්ථාවල චිත්‍රපට සහ කාටූන් රැසකට ගරු රඟපෑම් වලින් දායක වී තිබෙනවා. 2010 වසරේදී Iron Man 2 චිත්‍රපටිය එසේ ඔහු දායක වූ පළමු චිත්‍රපටය වන අතර චිත්‍රපටි පෙළේ ටෝනි ස්ටාර්ක්ගේ චරිතය රඟපෑ රොබට් ඩවුනි, එම චරිතය නිරූපණය සඳහා මස්ක්ගේ සැබෑ ස්වරූපය අධ්‍යයනය කළ බව කියැවෙනවා. මීට අමතරව සුප්‍රකට “ද සිම්ප්සන්ස්” ඇනිමේෂන් කතා මාලාවේ කතාංගයක් සම්පූර්ණයෙන්ම පාහේ වෙන්වුනේ මස්ක් වෙනුවෙන්මයි. එය “The Musk who fell to Earth” නමින් හැඳින්වුණා.

 

Saru FM Media

LEAVE A REPLY

Please enter your comment!
Please enter your name here