එක්ස්ටර්නල් හාඩ් ඩ්‍රයිව් එකක් ගන්න කලින් දැනගෙන ඉන්න ඕන කරුණු කාරණා මේවා තමයි! – Saru News Media

0
18

සාමාන්‍යයෙන් අපි කොම්පියුටර් පාවිච්චි කරන්න පටන් ගත්තු කාලේ ඉඳලා අපිට එක කොම්පියුටරේකින් තවත් කොම්පියුටරේකට ඩේටා හුවමාරු කරගන්න වුවමනා එපාකම් මතුවුණානේ. එහෙම මාරු කරගන්නේ සිංදු වෙන්න පුළුවන්, ගේම්ස් වෙන්න පුළුවන්, ෆිල්ම්ස් වෙන්න පුළුවන්, ඇඩම්ස් ඔන්ලි එව්වා වෙන්න පුළුවන්, සොෆ්ට්වෙයාර් වෙන්න පුළුවන්, වෙන වෙන ෆයිල්ස් වෙන්න පුළුවන්. අපි කම්පියුටර් අතපත ගාපු මුල් කාලේ ඉතින් වෙන විකල්පයක් තිබ්බෙ නෑ, අපේ මැෂින් එකේ තියෙන හාඩ් ඩ්‍රයිව් එක ගලෝගෙන ගිහින්, යාලුවගේ එකට ස්ලේව් කරල ගහනවා. පස්සෙ පස්සෙ සීඩී රයිට් කරන්න පුළුවන් කම ආවා. පෙන් ඩ්‍රයිව්ස් ආවා. දැන් කාලේ වෙනකොට පෙන් ඩ්‍රයිව්ස් වගේම එක්ස්ටර්නල් හාඩ් ඩ්‍රයිව්ස් හරි හරියට පාවිච්චි වෙනවා. විශේෂයෙන්ම ගොඩක් දෙනෙක් තමන්ට ඕන ඩේටා සුරක්ෂිත කරලා තියන්න ඩීවීඩී එකක් රයිට් කරනවට වඩා එක්ස්ටර්නල් හාඩ් එකක් හරි ක්ලවුඩ් මෙමරි එකක් හරි ලේසියි කියලා හිතනවා.

 

ඇත්තටම එක්ස්ටර්නල් හාඩ් එකක් පාවිච්චි කරන එක බොහොම පහසුයි තමයි. හරි. දැන් එහෙමනම් එක්ස්ටර්නල් හාඩ් එකක් ගන්න ඕන නම් ඒක ගන්න කලින් හිතලා බලන්න ඕන කරුණු මොනවද?

 

ගොඩක් අය හිතාගෙන ඉන්නවනේ සයිස් එක ලොකු වෙන එක තමයි වැදගත් කියලා. ඇත්තටම කිවුවොත් සයිස් එක අදාළ වෙන්නේ තමන්ගේ අවශ්‍යතාවය මත. මෙතන සයිස් කියන්නේ කැපෑසිටි එකට. ලංකාවේ නම් දැන් බහුලවම දකින්න ලැබෙන අඩුම සයිස් එක වෙන්නේ ටෙරාබයිට් 1. හැබැයි ඕන නම් ගිගාබයිට් 500 වගේ පොඩි සයිස් එක්ස්ටර්නල් හාඩ් වුනත් හොයාගන්න පුළුවන්. එතනින් එහාට ටෙරාබයිට් 2, ටෙරාබයිට් 4 එක්ස්ටර්නල් හාඩ් ගොඩක් තැන්වලින් හොයාගන්න පුළුවන්. පොඩ්ඩක් තව සෝදිසි කලොත් ටෙරාබයිට් 6 සහ ටෙරාබයිට් 8 ක වගේ එක්ස්ටර්නල් හාඩ් ඩ්‍රයිව් එහෙමත් හොයාගන්න බැරි නෑ!

 

හැබැයි ඉතින්  මේවැයින් තමන්ට අවශ්‍ය සයිස් එක තෝරගන්න නම්, තමන්ට මේ එක්ස්ටර්නල් හාඩ් එක අවශ්‍ය වෙන්නේ ඇයි කියලා හිතන්න ඕන. උදාහරණයක් විදියට ගත්තොත්, ෆොටෝග්‍රැෆි, වීඩියෝග්‍රැෆි, ග්‍රැෆික් ඩිසයිනින් වගේ කරන අයට ටිකක් ලොකු එක්ස්ටර්නල් හාඩ් එකක අවශ්‍යතාවය ඇතිවෙනවා. සාමාන්‍යයෙන් අවුරුදු ගණන් සේව් කරලා තියන්න අවශ්‍ය ඩේටා නැති අයට, ඒ කියන්නේ පෙන් ඩ්‍රයිව් එකක අවශ්‍යතාවයට වගේ පාවිච්චි කරන අයට පොඩි සයිස් එක්ස්ටර්නල් හාඩ් එකක් හොඳටම ඇති. ඒ කිව්වේ ඔය යාලුවන්ගෙන් ෆිල්ම් එහෙම ඉල්ලගෙන ඇවිත් බලලා ඉවර වෙලා ඩිලිට් කරන අයට. අන්න ඒ වගේ තමන්ගේ අවශ්‍යතාවය අනුව එක්ස්ටර්නල් හාඩ් එකේ සයිස් එක තෝරගන්න පුළුවන්.

 

දැන් හාඩ් එකේ සයිස් එක ගැන හිතලා බැලුවට පස්සේ අවධානය යොමු වෙන කාරණාව මේක තමයි. ඇත්තටම දැන් කාලේ හැටියට එක්ස්ටර්නල් හාඩ් ඩ්‍රයිව් එකක ස්පීඩ් එක වැදගත්. මෙතනදී HDD එකකට වඩා SSD එකක් වේගවත් බවින් වැඩියි. ඒ ගැන ඉස්සරහට කතා කරනවා.

එක්ස්ටර්නල් හාඩ් ඩ්‍රයිව් එකක ස්පීඩ් එක ගැන කතා කරනකොට, එකේ USB වර්ෂන් එක ගැනත් හිතන්න ඕන. කොටින්ම කිවුවොත් USB 2.0 එක්ස්ටර්නල් හාඩ් එකකට වඩා USB 3.0 එක්ස්ටර්නල් හාඩ් එකක් වේගවත් කියන එක අමුතුවෙන් කියන්න ඕන නෑ.

හැබැයි තව කාරණාවක් තියෙනවා. ආදි කාලේ මැෂින් එකක් එක්ක නවීන සහ වේගවත් එක්ස්ටර්නල් හාඩ් ඩ්‍රයිව් එකක් පාවිච්චි කරලා, එක්ස්ටර්නල් හාඩ් ඩ්‍රයිව් එකේ ෆුල් ස්පීඩ් එකෙන් වැඩ ගන්න හිතන එක තේරුමක් නෑ! හැබැයි සාමාන්‍යයෙන් දැන් තියෙන ඕනම එක්ස්ටර්නල් හාඩ් ඩ්‍රයිව් එකක් පරණ USB පෝට් එක්කත් වැඩ කරන නිසා, පරණ මැෂිමකට ගහන්න බැහැයි කියලා එකක් නම් නෑ. උපරිම ට්‍රාන්සර් ස්පීඩ් එක ලැබෙන්නෙ නෑ. එච්චරයි.

 

Saru FM Media

LEAVE A REPLY

Please enter your comment!
Please enter your name here