ඔන්ලයින් මංගල යෝජනා සෙවීමේ වාසි අවාසි – Saru News Media

0
13

කපුවෝ දැන් හොයන්න අමාරුයි. හෙව්වත් කපුවෝ ගාව ඉන්න මනමාලියෝ මනාලයෝ ගාණ අඩුයි. එයාලගේ ඩේටබේස් එක පොඩියි. ඒ නිසා කපුවා ඒ ඉන්න යුනිට් කීපයෙන් එකක් කොහොම හරි අපිටත් පංගාත්තු කරලා දෙන්න උත්සාහ කරනවා. මංගල කිංකිනි වගේ පුවත්පත් දැන්වීම් හොඳ වුවත් ඔන්ලයින් මංගල යෝජනාවලට ඊට වඩා වැඩි පහසුකම් ගොඩක් තියෙනවා. 

 

 

සාමාන්‍ය මංගල කිංකිනි පුවත්පත් දැන්වීම් වලට වංචා කරද්දි ඒ පුවත්පත් දැන්වීම් දකින අයෙක් ඉන්නට ඕනි. ඒ පුවත්පත් දැන්වීම් වලට පිළිතුරු ලියන්නට ඕනි. ඒවා තැපැල් කරන්නට ඕනි. ඒත් මේ ඔන්ලයින් වෙබ් අඩවි වලදි තියෙන්නේ පිංතූර සමග විස්තර ඇතුළත් කරලා ෆෝන් එකෙන් නැතිනම් ලැප්ටොප් එකෙන් වෙබ් අඩවියට මුදල් ගෙවීම පමණයි. කිසිවෙකු දැනගන්නෙත් නැහැ. ඒ නිසා කසාද බැඳලා දරුවන් ඉන්න අයටත් තමුන් නොයිඳුල් මනාලියක්, මනාලයෙක් විදිහට පෙනී ඉඳලා වංචා කරන්නට ඉඩ කඩ හැදිලා තියනවා. 

 

මේක පිරිමි අයට ප්‍රශ්නයක් නෙමෙයි. ඒත් කාන්තාවන්ට තමුන්ගේ ඡායාරූප සහ විස්තර අන්තර්ජාලයේ අඩවි වල හුවමාරුවීම ගැටළුවක් වෙන්නට පුළුවන්. ඇත්තටම වෙබ් අඩවිය විසින් අදාළම අයට පමණක් තොරතුරු පෙන්නුවත් යම් මානසික අවුල් තියෙන උදවියට මේ පිංතූර සහ දත්ත හරහා යම් නොමනා ක්‍රියාවල නිරත වෙන්නට ඉඩ ලැබෙනවා. එවැනි දේවල් සිදුවූ පසු ඒ සඳහා ක්‍රියාමාර්ග ගන්නත් ටිකක් අමාරුයි. 

 

පත්තරයක හෝ කපුවෙකු හරහා මංගල යෝජනා හොයනකොට ඒ අපේ දත්ත තියෙන්නේ එක තැනක විතරයි. ඒත් අන්තර්ජාලයේ පළ කළාම ඇත්තටම දත්ත කැමති ඕනාම කෙනෙක්ට ගැලපුනාට පස්සේ විස්තර බලාගන්න පුළුවන්. ඒ වගේම ව්‍යාජ විදිහට ගැලපීමක් ඇතිකරගත්තොත් සෝෂල් මීඩියා කන්ටැක්ට් ආදියත් සොයාගන්නට හැකියි. මේවා අද කාලේ බොහොම සුලබ දේවල් වුවත් ඇතැම් විට ඒ හරහා කෙනෙක් අපහසුතාවයට ලක් වෙන්නට පුළුවන්. 

 

 

උස, බර, කේන්දර තොරතුරු සහ අධ්‍යාපන මට්ටම් අනුව හරියනම කෙනා තෝරාගන්න නවීන ඔන්ලයින් මංගල යෝජනා වෙබ් අඩවි වලදී පුළුවන්. ඉස්සර කපුවන් පාවිච්චි කරලා වැඩේ කරද්දි කපුවා පුළුවන් තරම් දෙපැත්තේ නොගැලපෙන දේවලුත් මැච් කරන්න තමයි උත්සාහ ගන්නේ. ඒත් යාන්ත්‍රික බුද්ධියෙන් වෙබ් අඩවි හරහා මංගල යෝජනා තෝරද්දි වෙබ් අඩවිය කපුවෝ වගේ බලෙන් මැච් කරන්නේ නැහැ. අදාළ අයගේ කැමැත්ත අනුව තමයි එකිනෙකා මුණගස්වන්නේ. 

Saru FM Media

LEAVE A REPLY

Please enter your comment!
Please enter your name here