ඔබත් අතිශය සංවේදී පුද්ගලයෙක් නම්, මේ කරුණු පිළිපැදීම ඔබේ ජීවිතයට වටිනු ඇති – Saru News Media

0
13

ඔබත් අතිශයින්ම සංවේදී පුද්ගලයෙක්ද? එහෙම අහපු ගමන් එක්කෝ සෑහෙන පිරිසක් කියයි ඔව් කියලා. තවත් සමහරු ඒකට කොහොමද උත්තර දෙන්නේ කියලා පොඩ්ඩක් පටලැවෙයි. හරි, ඔක්කොටම වඩා ලේසියි අතිශයින්ම සංවේදී පුද්ගලයෙක් කියන්නේ කොහොම කෙනෙක්ද කියලා මුලින් හඳුනාගන්න එක. සාමාන්‍යයෙන් මේ නමෙන්ම කියන විදියට, ඉතාම සංවේදී මනුස්සයෙක් (HSP) ලෝකේ තමන් අත්දකින, අත්විඳින දේවල් සම්බන්ධයෙන් ඉතාම සංවේදීයි කියන එක. මේ අය ප්‍රචණ්ඩත්වයට හෝ කෘරත්වයට කිසිසේත්ම ආස නෑ. අනික් අයගේ හැඟීම් දැනීම් මේ අය තමන් වෙත උරාගන්නවා. ඒ නිසාම වේදනා විඳිනවා. බොහොම ගැඹුරින් හිතනවා. දුක සතුට වගේ හැඟීම් මේ අයට සාපේක්ෂව වඩා ගැඹුරෙන් දැනෙනවා. හැබැයි සංවේදී මනුස්සයෙක්ට ඒ වගේම පොඩි දේකිනුත් දුක හිතෙනවා.

දැන් මේ ගතිලක්ෂණ හින්දා එක්කෝ අතිශයින්ම සංවේදී කෙනෙක් ඉන්නේ නිරන්තරයෙන්ම හිත රිද්දගත්තු ගමන්. එහෙම නැතිනම් අනික්  අය හැමවෙලේම මේ අයව විවේචනය කරනවා ‘බබෙක් වෙන්න එපා’ කියලා.

ඉතින් ඔයත් එහෙම අතිශය සංවේදී මනුස්සයෙක් නම්, ඇත්තටම කොහොමද ජීවත් වෙන්නේ?

 

මේ දේවල් දෙක හරියට කරන්න සංවේදී මනුස්සයෙක් වෙන්නම ඕනෙද? ඇත්තටම මේවා හැමෝටම අදාළ දේවල් තමයි. හැබැයි අතිශය සංවේදී මනුස්සයෙක් මේවා කරන එක ඉතාමත්ම වැදගත්. උදාහරණයක් විදියට කිවුවොත්, ප්‍රමාණවත් සුව නින්දක් නැතිවීම හින්දා මිනිස්සුන්ට මූඩ් අප්සෙට් ගහනවා, අමාරු ගතියක් දැනෙනවා. ඉතින් කොහොමත් පොඩි දෙයිනුත් අප්සට් යන්න පුළුවන් සංවේදී මනුස්සයෙක්ට අඩු නින්දකින් ගේම ගහන්න බෑ. ඒ නිසා හොඳ නින්දක් අත්‍යාවශ්‍යයි.

ඒ වගේම හොඳ, සමබල ආහාර පාන සහිත ආහාර වේල් හරි වෙලාවට අරගෙන, ජීවිතේ සෞඛ්‍ය සම්පන්නව තියාගන්න එකත් සංවේදී මනුස්සයෙක්ගේ බැලන්ස් එක තියාගන්න අත්‍යාවශ්‍යයි.

 

අතිශය සංවේදී මනුස්සයෙක් සාමාන්‍යයෙන් අධික ශබ්ද වලින් තිගැස්සෙන ප්‍රමාණය, අපහසුතාවයට පත්වෙන ප්‍රමාණය වැඩියි. අන්න ඒ නිසා හොඳ අදහසක් තමයි නිතරම තමන් ගාව අර නොයිස් කැන්සලින් කියන ජාතියේ හෙඩ්ෆෝන් දෙකක් තියාගැනීම. එතකොට වාහනයක් ඩ්‍රයිව් කිරීම වගේ අවට පරිසරයේ ශබ්ද වලට සංවේදී විය යුතුම අවස්ථා වලදී හැරෙන්න ඒක දාගෙන ඉන්න පුළුවන්. ඒකෙන් වාසි දෙකක් තියෙනවා. එකක් තමයි නොයිස් කැන්සලින් හෙඩ්ෆෝන් යුවළකින් පිටතින් එන ශබ්ද කපාහැරීම නිසා අපහසුතාවයට පත්වෙන්න, තිගැස්සෙන්න තියෙන ඉඩ අඩු වෙනවා. දෙවෙනියට, තමන් ආස, තමන්ට හොඳ පොසිටිව් හැඟීමක් ලබාදෙන සංගීතය අහන්න පුළුවන් නිසා මූඩ් ගහන්න තියෙන ඉඩ අඩු වෙනවා වගේම මූඩ් ෆික්ස් කරගන්නත් චාන්ස් එකක් ලැබෙනවා.

 

මේක නොකළ යුතුයි කියලා කියන්නේ ලොකු හේතුවක් ඇතුව. සාමාන්‍යයෙන් අද කාලේ අතිශය සංවේදී මනුස්සයෙක් කියන කෙනෙක් ගැන පොදු සමාජය විවේචනාත්මකව බලන්න තියෙන ඉඩ වැඩියි. “ඇයි ඔච්චර දුක හිතෙන්නේ?”, “ඇයි නිකම් බබෙක් වගේ හැසිරෙන්නේ?” වගේ අදහස් එක්ක තමයි අතිශය සංවේදී මනුස්සයෙක් දිහා සමහරු බලන්නේ. ඉතින් එහෙම තමන්ගේ විදිය සම්බන්ධයෙන් විවේචන එල්ල වීමෙන් වෙන්නේ සංවේදී කෙනෙක්ව තවත් අමාරු තැනකට තල්ලු වෙන එක. 

 

අන්න ඒ නිසා මුලින්ම තමන් කවුද කියන එක වටහාගන්න. ඊට පස්සේ තමන් කවුද කියන එක පිළිගන්න. එතනින් එහාට තමන් කවුද කියන එක අනික් අයට කියන්න යන්නේ නැතුව ඉන්න.

Saru FM Media

LEAVE A REPLY

Please enter your comment!
Please enter your name here