ඔබේ ලැප්ටොප් එකත් අධිකව රත් වෙනවාද? එහෙමනම් මේ උපදෙස් අනුගමනය කරලා බලන්න – Saru News Media

0
18

දැන් කාලේ ලැප්ටොප් එකක් හරි වෙනත් කම්පියුටර් එකක් හරි පාවිච්චි නොකරන කෙනෙක් හොයාගන්න බැරි තරම්නේ. විශේෂයෙන්ම ඔෆිස් වැඩ වලට වගේම ඉගෙනගන්න වැඩ වලටත් ගොඩක් දෙනෙක් පරිගණක පාවිච්චි කරනවා. එතනිනුත් ගොඩක් දෙනෙක් පාවිච්චි කරන්නේ ලැප්ටොප් පරිගණක. ඒ භාවිතය පහසු නිසා. 

 

දැන් ඕනම ඉලෙක්ට්‍රොනික් ගැජට් එකක වගේම ලැප්ටොප් එකකත් බොහොම ලේසියෙන් එන්න පුළුවන් ප්‍රශ්න ටිකක් තියෙනවා. ආන්න ඒ ප්‍රශ්න වලින් සුලභව එන්න පුළුවන් ප්‍රශ්න වලට ගොඩක් වෙලාවට වග කියන්න ඕන කරන්නේ අධික උෂ්ණත්වය. ඔව්, ලැප්ටොප් එකක් වැඩ කරනකොට උෂ්ණත්වයක් ජනිත වෙනවනේ. හැබැයි ඕනම ලැප්ටොප් එකක එහෙම ජනිත වෙන උෂ්ණත්වය යම් ප්‍රමාණයකට ඉවත් කරන්න යාන්ත්‍රණයකුත් තියෙනවා. සමහර නවීන ලැප්ටොප් වල මේ හීට් එක අඩු කරන යාන්ත්‍රණයන් හරිම කාර්යක්ෂමයි. හැබැයි එකක්: ඒ මොන යාන්ත්‍රණය තිබුණත්, ලැප්ටොප් එකක් රත් වෙන එක වළක්වා ගන්න අපිට කරන්න පුළුවන් දේවලුත් තියෙනවා. ඇත්තටම එහෙම කරන්න පුළුවන් ප්‍රායෝගික දේවල් ලැප්ටොප් එකේෙන්න පුළුවන් ප්‍රශ්න අඩ්‍ය් කර ගන්න විතරක් නෙවෙයි, ලැප්ටොප් එකේ ආයුකාලය දීර්ඝ කරගන්නත් සෑහෙන්න ප්‍රයෝජනවත්. 

 

ආන්න ඒ නිසා, අපි බලමු ලැප්ටොප් එකත් එක්ක වැඩ කරනකොට අපිට එහෙම හීට් එක අඩු කරගන්න ප්‍රායෝගිකව කරන්න පුළුවන් දේවල් මොනවද කියලා!

 

සාමාන්‍යයෙන් ලැප්ටොප් පරිගණකයක් නිරන්තරයෙන්ම පාවිච්චි වෙනවා නම්, ලැප්ටොප් එක ගන්නකොටම කූලින් පෑඩ් එකකටත් ආයෝජනය කරන එක බොහොම නුවණ තියෙන වැඩක්. ඕන නම් හොඳ කූලින් පෑඩ් එකක් රුපියල් තුන්දාහක්, හාරදාහක් විතර වෙයි. හැබැයි හොඳ කූලින් පෑඩ් එකකින් දේවල් දෙකක් වෙනවා. එකක්, USB එකෙන් බලය ලබාගෙන කූලින් පෑඩ් එකේ තියෙන ෆෑන් වලින්, ලැප්ටොප් එකේ උෂ්ණත්වය ඉවත් කරන්න අමතර උදව්වක් ලැබෙනවා. ඒ, ලැප්ටොප් එකේ තියෙන කූලින් ෆෑන් වලට අමතරව. ඊට අමතරව අපි කූලින් පෑඩ් එකක් උඩ ලැප්ටොප් එක තියලා තියෙනකොට, ලැප්ටොප් එක ඒක තියලා තියෙන මතුපිටින් උඩට එසවෙනවා. අන්න ඒකෙන් ලැප්ටොප් එකේ උෂ්ණත්වය සංවහනයෙන් සාර්ථකව ඉවත් වෙන්නත් ඉඩ සැලසෙනවා. සමහර වෙලාවට කූලින් පෑඩ් එකේ ෆෑන්ස් වැඩ නොකර තියෙන වෙලාවට පවා ලැප්ටොප් එකේ උෂ්ණත්වය ඉවත් වෙන්න, මේ විදියට මතුපිටින් ලැප්ටොප් එක එසවෙන විදියට තියාගන්න එක උදවු වෙනවා.

 

සමහරුන්ට තමන්ගේ සියලුම ඔෆිස් වැඩ, ඉගෙන ගන්න වැඩ කරගන්න වෙන්නේ ලැප්ටොප් එකෙන්. ඒක තේරුම් ගන්න පුළුවන් දෙයක්. විශේෂයෙන්ම මේ කාලේ වර්කින් ෆ්‍රොම් හෝම් ඇරේන්ජ්මන්ට් වලදිත් දිවා රෑ නැතුව ලැප්ටොප් එක ඔන් එකේ තියෙන්නේ. හැබැයි ඒක ලැප්ටොප් එකේ ආයුකාලයට ඒ තරම් හොඳ දෙයක් නෙවෙයි. ඇයි? ලැප්ටොප් එක ඕෆ් කරලා තියෙන වෙලාවක් නැහැයි කියන්නේ, ඒකට පොඩ්ඩක් කූල් වෙන්න වෙලාවක් නැහැයි කියන එක. දැන් මනුස්සයෙක් වුණත් එක දිගටම නින්දක් නැතුව වැඩ කරනකොට දවසක් දෙකක් යනකොට සිස්ටම් එක අවුල් යන්නෙ නැද්ද? ලැප්ටොප් එකක් ඊට වඩා සෑහෙන්න කාලයක් එක දිගට වැඩ කරන්න යොදවගන්න පුළුවන් වග ඇත්ත. හැබැයි ඒකෙන් ලැප්ටොප් එක රත් වෙන ප්‍රමාණය ශීඝ්‍රයෙන් වැඩි වෙනවා. අන්න ඒ නිසා, ලැප්ටොප් එකට දවසකට වරක් වත් පොඩි රෙස්ට් එකක් දෙන්න. විශේෂයෙන්ම තමන්ට රෙස්ට් එකක් ගන්න අවශ්‍ය වෙන වෙලාවට, ලැප්ටොප් එක ඔහේ ඔන් එකේ තියලා යන්නෙ නැතුව හයිබර්නේට් කරල හරි යන්න.

 

මෙන්න මේ කාරණාව නිසා තමයි විශේෂයෙන්ම අර ලැප්ටොප් එක තියලා තියෙන මතුපිටින් පොඩ්ඩක් උඩට එසවිලා තියෙන විදියේ කූලින් පෑඩ් එකක් හරි, ඒ වගේ වෙනත් දෙයක් හරි පාවිච්චි කරන්න කියන්නේ. ලැප්ටොප් එකේ ෆෑන්ස් වගේම, වෙන්ටිලේෂන් එකට, ඒ කියන්නේ උෂ්ණත්වය පිටවෙන්න හදපු විවර තියෙනවා. එතකොට ලැප්ටොප් එක තියලා තියෙන විදියට ඒ විවර ආවරණය වෙනවා කියන්නෙම, ලැප්ටොප් එක දුවනකොට ඇතිවෙන උෂ්ණත්වය කාර්යක්ෂමව පිට වෙන්න තියෙන ප්‍රධාන ක්‍රමයක් අවහිර වෙනවා කියන එක තමයි. අන්න ඒ නිසා, ලැප්ටොප් එක හැම වෙලේම ඒකේ තියෙන උෂ්ණත්වය පිට වෙන විවර අවහිර නොවෙන විදියට තියන්න. ඒ කියන්නේ ලැප්ටොප් එක වටේම බංකර් එකක් ගහලා වගේ පොත් පත් අනං මනං හිර කරලා තියන්නත් එපා කියන එක තමයි. ලැප්ටොප් එක ඉඩ පහසුව ඇති තැනක තියාගන්න.

 

Saru FM Media

LEAVE A REPLY

Please enter your comment!
Please enter your name here