ඕනම පවුලක ඥාති දරුවෝ අතරේ කැපිල පේන ඩයල්ස් ටික – Saru News Media

0
15

ඕනෙම පවුලක් ගත්තොත් ඉතින් දානයක්, මරණයක් නැත්තම් මඟුල් ගෙයක් උනත් වැඩේට සෙට් වෙලා වැඩේ ගොඩ දාන සුපිරිම සෙට් එකක් තමයිනෙ ඥාති දරුවො සෙට් එක. ඒ කිව්වේ පවුලේ කසින්ස්ලා සෙට් එක. ඔන්න ඔය පොඩිම පරම්පරාවෙ ඥාති සහෝදර සහෝදරියො එකට සෙට් වෙලා මොන දේ ක​ළත් ඔය එකතුවෙන හැම වෙලාවකම හීනියට යටින් තියෙන තරඟයක් මේ ඔක්කොමලා අතරේ නැතුවම නෙමෙයි. තමන්ටම ආවේණික ක්‍රමයකට කොහොමහරි කැපිල පේන්න තමයි ඔය කොයි එක්කෙනත් ට්‍රයි කරන්නෙ. සෙට් එකේ කැපිල පේන ඩයල් එක නැත්තම් පොර වෙන්න කව්ද ඉතින් අකමැති. අම්මලත් ඉතින් මේකට උපරිම සප් එක දෙනව තමන්ගෙ එකා සෙට් එකේ උඩින්ම තියාගන්න. ඉතින් බලමුද කව්ද මේ ඕනම පවුලක වැඩියම කැපිල පේන කට්ටිය කියල?

 

 

ඔන්න ඔය ඕනම පවුලක ලොකුම තරඟයක් තමයි දරුවන්ගෙ බාහිර පෙනුම. ඉස්සරනම් මේක තනිකරම උපතින් එන පෙනුම මතම තමයි තීරණය උනේ. අම්මේ ඒකට දැන්. උපන් කැත වහන්න කොයි තරම්නම් ක්‍රම තියෙනවද ඉතින්. ඔය කොයි දරුවත් දඟලන්නෙ සැලෝන් එකක් පැත්තෙ ගිහින් ෆුල් පොලිශ් වෙලා බියුටි කප් එක ගහන්න තමා. කොල්ලෙක්නම් ටැටූ එකක් කාරිය ගහල, ජිම් එකට විසිට් එකක් දාල ලස්සනට ඇඟ හදාගෙන සෙට් එකේ හැන්ඩිම බුවා වගේ කැපිල පේන්න තමයි.

 

 

ඔන්න අම්මලාගේ ලොකුම තරඟය. මොන්ටිසෝරියෙ ඉඳන්ම කොහොමහරි දඟලන්නෙ අක්කගෙ, අයියගෙ, නෑනගෙ, මස්සිනාගෙ ළමයට වඩා මගේ එකා ලකුණක් හරි වැඩියෙන් අරගන්න ඕනම කියල ඔලුවෙ තියාගෙන තමයි. පොඩි එකා මරවල හරි විභාග ටික පාස් කරවගන්න එපැයි ඉහළින්ම. ඔන්න කොහොමින් හරි ඔය පොඩි අවධිය පහුවෙලා තේරෙන වයසට ආවමත් පවුලේ දරුවො අතරෙ හොඳින්ම ඉගෙන ගන්න එක්කෙනා ඉන්නව නේද. මෙන්න මෙයාට ලොකු ප්ලේස් එකක් තියෙනව සෙට් එකේ. කට්ටිය වැඩිය නොපෙන්නුවට ගෙවල් වල ගියාම අම්මලා උණත් බනින්නෙ ඉතින් “අන්න අරය වගේ උබට බෑනෙ” කියල තමයි.

 

 

මෙයා තමයි පවුලෙ ඉන්න අයිආර්සී ඩයල් එක. ආයෙත් ඉතින් මැරකම්ද, හොර වැඩද, ගුටි බැටද ඕන එකකට ඔට්ටුයි. මේ ගණයට හුඟක්ම වැටෙන්නෙ කොල්ලෙක් තමයි. ගමේම අයියලා සෙට් එකත් එක්ක මචං ෆිට් එකක් හදාගෙන ලොකු සීන් එකෙන් ඉන්න මෙහෙම ඩයල් එකක් ඔය ඕනම පවුලක ඉන්නව වගේම තමයි මෙයාලගෙන් ප්‍රයෝජන ගන්න වෙන වෙලාවලුත් අනිත් ඥාති සහෝදර සහෝදරියන්ට නැතුවම නෙමෙයි. කාට හරි අකරතැබ්බයක් උන වෙලාවට ඉදිරිපත්වෙලා ඒක ලිහල දෙන්නත් මේ අයියලා නම් හරිම කැමතියි. කොච්චර නසරාණියා උණත් පවුලටනම් හිතවත්.

 

 

Saru FM Media

LEAVE A REPLY

Please enter your comment!
Please enter your name here