‘කොම්බෑන්ක් ඩිජිටල්’ දැන් භාෂා තුනකින් – Saru News Media | Sri Lanka Business News

0
25

ශ්‍රී ලංකාව තුළ වැඩි වශයෙන් භාවිතා වන ඩිජිටල් බැංකුකරණ වේදිකාව වන ‘කොම්බෑන්ක් ඩිජිටල්’ භාෂා තුනකින් සක්‍රීය වීමත් සමඟ එහි භාවිතය සැළකිය යුතු ලෙස තවත් ඉහළ යනු ඇතැයි බැංකුව විශ්වාස කරයි.

මෙම නවතම උත්ශ්‍රේණි කිරීම නිවේදනය කරමින් බැංකුව පවසා සිටියේ ඩිජිටල් බැංකුකරණ වේදිකාවේ බහුභාෂා හැකියාව තුළින් ග්‍රාමීය ප්‍රදේශවල සහ සාම්ප්‍රදායික ගනුදෙනු සිදුවන අංශවල ඩිජිටල් බැංකුකරණය වේගවත් කිරීමට අපේක්ෂා කරන බවයි.

කොමර්ෂල් බැංකුවේ සහකාර සාමාන්‍යාධිකාරී – ඩිජිටල් බැංකුකරණය ප්‍රදීප් බන්දුවංශ මහතා, මෙම බහුභාෂා ක්‍රියාකාරීත්වය සමඟින් බැංකු භාවිතා නොකරන සහ බැංකු භාවිතය අඩු ගනුදෙනුකරුවන්ටත් ඩිජිටල් පරිවර්තනයේ ප්‍රතිලාභ ලබා දෙමින් මූල්‍ය සේවා ලබා දීමට ‘කොම්බෑන්ක් ඩිජිටල්’ උපකාර වනු ඇතැයි පැවසීය.

“මිලියන 1.2 ක් වූ පරිශීලකයන් සමඟ, ‘කොම්බෑන්ක් ඩිජිටල්’ මේ වන විටත් අපගේ තිරසර මාර්ග සිතියමෙහි සුවිශේෂී අංගයක් බවට පත් ව ඇති නමුත් මෙහි භාවිතයෙහි ජන කොටස් සහ භූගෝලීය වශයෙන් ද හිඩැස් පවතියි. මෙම ගැටලුවට විකල්පයක් ලෙස පරිශීලකයන්ට සිංහල හෝ දෙමළ මාධ්‍යයෙන් ගනුදෙණු කිරීමට අවකාශය නිර්මාණය කර ඇත. එමෙන් ම මෙමඟින් ඇතැම් ගනුදෙනුකරුවන් සඳහා භාවිතය පහසු කරන අතර එමඟින් විශාල සංඛ්‍යාවක් මෙම ඩිජිටල් වේදිකාවේ ලියාපදිංචි වීමට දිරිමත් වනු ඇත,” යැයි ද බන්දුවංශ මහතා තව දුරටත් අදහස් දැක්වීය.

සියලු ම මාර්ගගත සහ ජංගම බැංකු නාලිකා තනි සර්වර් නාලිකා වේදිකාවක් මත ඒකාබද්ධ කරන, ‘කොම්බෑන්ක් ඩිජිටල්’ ප්‍රතිචාරාත්මක වෙබ් යෙදුමක් සහ iOS” Android සහ Huawei යන ජංගම යෙදුම් තුන හරහා ක්‍රියාත්මක වෙයි. එමෙන් ම ඩෙස්ක්ටොප් පරිගණක, ලැප්ටොප් පරිගණක, ටැබ් සහ ස්මාර්ට් ජංගම දුරකථන වැනි සියලු උපාංග හරහා මෙම ඩිජිටල් වේදිකාවට ප්‍රවේශ වීමේ හැකියාව සක්‍රීය කර ඇත.

කොමර්ෂල් බැංකුව ශ්‍රී ලංකාවේ විශාලතම පුද්ගලික අංශයේ බැංකුව වන අතර ලෝකයේ හොඳම බැංකු 1000 අතරට ඇතුළත් වූ පළමු ශ්‍රී ලාංකේය බැංකුව ද වේ. ශ්‍රී ලංකාවේ සුළු සහ මධ්‍යම පරිමාණයේ ව්‍යාපාර වලට විශාලතම ණය සම්පාදනය කරන්නා මෙන්ම දේශීය බැංකු ක්ෂේත්‍රයේ ඩිජිටල් නව්‍යකරණය සඳහා ප්‍රමුඛයෙකු වන කොමර්ෂල් බැංකුව බංග්ලාදේශය තුළ ශාඛා 20 ක් ද මියන්මාරයේ නේ පයිටව් හි, ක්ෂුද්‍ර මූල්‍යන සමාගමක් මෙන්ම මාලදිවයින තුළ බහුතර කොටස් හිමිකාරීත්වයෙන් යුතු පළමු පෙළ බැංකුවකින් සමන්විත විදේශීය මෙහෙයුමක් පවත්වාගෙන යන ශ්‍රී ලංකාවේ බැංකු අතර පුළුල්තම ජාත්‍යන්තර පිය සටහන තබා ඇති වාණිජ බැංකුව ද වේ.

සේයාරු සටහන: බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී ComBank Digital හි ත්‍රෛභාෂා අනුවාදය එළිදැක්වීමේ අවස්ථාවට කොමර්ෂල් බැංකුවේ ප්‍රධාන මෙහෙයුම් නිලධාරී එස්. ප්‍රභාගර් මහතා සහ බැංකුවේ ජ්‍යෙෂ්ඨ සහ ආයතනික කළමනාකාරීත්වයේ නියෝජිතයන් සහභාගී වූ අයුරු.

Saru FM Media

LEAVE A REPLY

Please enter your comment!
Please enter your name here