කොරෝනා කාලේ ඉඟි බිඟි පෙම් කෙළි කරන්නේ මෙහෙමයි! – Saru News Media

0
17

ඉස්කෝලෙ කාලෙදී නිතර සබන් යොදා අත් සෝදමු කිව්වට ඇත්‍තටම අපි හිතුවද මේ ලෙවල් එකෙං අත් හෝදන්න වෙයි කියලා. දැං ඉතින් සුපර් මාර්කට් එකට යනකොට අත් හෝදන්න ඕන. සුපර් මාර්කට් එකෙන් එලියට එනකොට සැනිටයිසර් වලින් අත් හෝදන්න ඕන. එතනින් ඇඳුම් කඩේට ගියත් ආයෙ අත් හෝදන්න ඕන. ඔන්න ඔහොම තමයි ජීවිතේ දැන් කාලේ. සමහරු කියනවා අත් හෝදලම අල්ලෙ රේඛාත් ගෙවිල කියලා. හැබැයි ඒ වුණාට අත් සේදීම අනිවාර්යයි. 

ඒ විතරක් නං මදැයි. මළාට කෙල්ලෙක්ගේ කොල්ලෙක්ගේ මූණෙන් කොයි වගේද කියලා හොයාගන්න බෑ. ඇයි මාස්ක් දාලනේ. දැන් ලිප්ස්ටික් වැඩකුත් නෑ, බියර්ඩ් ගෘමින් වැඩකුත් නෑ. ඉතින් අපි ඇස් දෙකයි, නළලයි, කන් දෙකයි දිහා බලලා හිතින් හිතාගන්න ඕන මූණේ හැඩතල. මාස්ක් එක ගැලෙව්වහම සමහර වෙලාවට අපිටම අපේ ඉමැජිනේෂන් එක ගැන ලැජ්ජා හිතෙන විදියේ මූණු වෙන්නත් පුළුවන් තියෙන්නේ!

ඉතින් මේ පිස්සුවෙන් අත් සෝදන, මාස්ක් එකෙන් මූණ වහගෙන යන, සමාජ දුරස්ථකරණය රූල් එකක් වෙච්ච කොරෝනා තියෙන අලුත් ලෝකේ කොහොමද කෙල්ලෙක් කොල්ලෙක් එක්ක ෆ්ලර්ට් කරන්නේ? ඒ කියන්නේ ඔය පෙම් කෙළි වලට කලින් එන ඉඟි බිඟි පාලා දැලේ දාගන්න වැඩේ ගැන. ඒ ගැන ටිප්ස් කීපයක් තමයි මේ!

 

ඇත්තටම මේක ෆ්ලර්ට් කරන්න පටන් ගන්න කලින්ම තියෙන්න ඕන හැකියාවක්. ඒ කියන්නේ ස්කෑන් කරලා බලන්න ඕන කෙනාව. දැන් කාලේ මේ ස්කෑනින් කරන සීන් එක ටිකක් අමාරුයි. ඇයි හැමෝම මාස්ක් දාලනේ. කමක් නෑ. මූණේ පේන කොටස ස්කෑන් කරලා බලමු අපි කැමති වෙන විදියේ කෙනෙක්ද කියලා. ඒ එක්කම කරුණාකරලා වම් අතේ ඇඟිලි එහෙමත් ස්කෑන් කරලා බලන්න කසාද බැඳපු කෙනෙක්ද කියලා.

 

අයි කොන්ටැක්ට් කියලා කියන්නේ ඔය ඇසට ඇස හමුවුණා කියලා සිංදු වලින් එහෙමත් කියන සීන් එක තමා. ඇත්තම කතාව තමයි, මේ මාස්ක් දාලා ඉන්න කාලේ ඔය ඇහැට ඇහැ දෙන සීන් එක වඩාත් ලේසියි කියන එක. හැබැයි ඉතින් අයි කොන්ටැක්ට් එකෙන් පටන් ගන්නකොට ඒකේ සාස්තරේ හරියට දැනගෙන ඉන්නත් ඕන. ඒක මෙහෙමයි. මුලින් අපි කැමතියි කියලා පෙන්නන්න එයාගේ ඇස් දිහා බලනවා. තත්පර තුනක් විතර අයි කොන්ටැක්ට් එක තියාගෙන ඉන්න ඕන. මොකද ඊට වැඩි වුණොත් එයා අපහසුතාවයට පත් වෙයි. ඊට අඩු වුණොත් අපි අවධානය දෙනවා කියලා පේන්නෙ නැති වෙයි.

හැබැයි අපි එහෙම බලනකොට එයාත් අපි දිහා එහෙම අවධානයෙන් බලන්නෙ නැති වෙන්න පුළුවන්. කමක් නෑ. තව පාරක් ට්‍රයි කරන්න. ඒත් බැරි වුනොත් තුන්වෙනි පාරටත් ට්‍රයි කරන්න. එහෙමත් බැරි වුණොත් කරුණාකරලා වැඩේ නවත්තලා දාන්න. එයා අපිට ඉන්ටරෙස්ට් නෑ!

 

මොකක් කිව්වා? මාස්ක් දාගෙන හිනාවෙන්න? නැහැ, ඇත්තටම කියන්නේ. අයි කොන්ටැක්ට් එකෙන් වැඩේ පොසිටිව් නං හිනාවක් දාන්න. මාස්ක් එකෙන් හිනාව පේන්නෙ නෑ තමයි. හැබැයි පුතා මාස්ක් එක දාගෙන හිටියත්, අපි ජෙනුයින්ලි හිනාවෙන කොට අපේ මූණම හිනාවෙනවා. ඇසුත් හිනාවෙනවා. හොඳ හිනාවක් එක්ක අපේ සම්පූර්ණ බොඩි ලැන්ග්වේජ් එකම වෙනස් වෙනවා. ආන්න එතකොට ඒ පැත්තේ කෙනාට හොඳ ප්‍රසන්න හැඟීමක් දැනේවි.

 

Saru FM Media

LEAVE A REPLY

Please enter your comment!
Please enter your name here