ගුණාත්මකභාවයෙන් යුතු බැංකු සේවාවක් සඳහා කැපවීමඃ HNB මෙහෙයුම් ඒකක ISO 9001:2015 සහතිකය හිමි කරගනී – Saru News Media | Sri Lanka Business News

0
9

ශ්‍රී ලංකාවේ ප්‍රමුඛතම පුද්ගලික අංශයේ බැංකුවක් වන හැටන් නැෂනල් බැංකුව එහි අභ්‍යන්තර ප්‍රේෂණ, බාහිර ප්‍රේෂණ සහ මධ්‍යගත මෙහෙයුම් යන ඒකක සඳහා ISO 9001:2015 සහතිකය හිමි කරගත් බව සතුටින් නිවේදනය කර සිටී.

මෙම සහතිකය මගින් විශිෂ්ට සේවාවක් සඳහා HNB හි කැපවීම පෙන්නුම් කරනවා පමණක් නොව, ගෝලීය ප්‍රමිතීන්ට අනුකූලව සහ ගුණාත්මකභාවයෙන් යුත් කළමනාකරණ පද්ධති සඳහා සන්ධිස්ථානයක් සනිටුහන් කිරීමට දේශීය සහ ගෝලීය වෙළඳපල තුළ බැංකුවේ ස්ථාවරය ද තවත් ශක්තිමත් කරයි.

මේ පිළිබඳව අදහස් දක්වමින් HNB සහකාර සාමාන්‍යාධිකාරී මෙහෙයුම් එස්. නන්දකුමාර් මහතා පැවසුවේ “මෙම විශේෂිත ඒකක පිහිටුවීම HNB සඳහා වැදගත් පියවරක් සනිටුහන් කරන අතර එමඟින් විශිෂ්ට බැංකු සේවා සැපයීමට සහ තම ගනුදෙනුකරුවන්ට සුවිශේෂී බැංකු අත්දැකීමක් ලබාදීමේ පොරොන්දුව ඉටු කිරීමට බැංකුවට හැකි වනවා. මෙම ISO සහතිකය හිමි කරගැනීම අපගේ විශිෂ්ටත්වය සඳහා වූ කැපවීම තවදුරටත් ශක්තිමත් කරන අතර උසස් තත්වයේ ගුණාත්මක සහ සේවාවක් පවත්වා ගැනීමට අපගේ නොසැලෙන කැපවීම පෙන්නුම් කරනවා,” යනුවෙනි.

ISO සහතිකය හිමි කර ගැනීමේ ක්‍රියාවලියට ISO ප්‍රමිතීන් සහ බැංකු ක්ෂේත්‍රයේ හොඳම භාවිතයන් සමඟ අනුකූල වන බව සහතික කිරීම සඳහා ක්‍රියාවලි පිළිබඳ පූර්ණ සමාලෝචනයක් සහ ලේඛනගත කිරීමක් ඇතුළත් වේ. දක්ෂ පළපුරුදු වෘත්තිකයින් 200ක් පමණ ඇතුළත් වන HNB හි මධ්‍යගත මෙහෙයුම් ඒකකය එහි අභ්‍යන්තර සහ බාහිර ප්‍රේෂණ යන ඒකකවල ද සහාය ඇතිව මෙම ප්‍රමිතීන් ක්‍රියාත්මක කිරීම සහ පවත්වාගෙන යාම සඳහා වැදගත් කාර්යභාරයක් ඉටු කළේය.

‘HNB හි මෙහෙයුම් ඒකක සඳහා ISO 9001:2015 සහතිකය ලබා ගැනීම HNB හි ක්‍රියාවලි විශිෂ්ටත්වය සහ සහතික කිරීම වෙනුවෙන් බැංකුවේ කැපී පෙනෙන පියවරක් ලෙස සැලකිය හැකියි. මෙම ජයග්‍රහණය අඛණ්ඩ වැඩිදියුණු කිරීම් කෙරෙහි අපගේ අවධානය තව තවත් යොමු කරවන කරන අතර රොබෝ ක්‍රියාවලි ස්වයංක්‍රීයකරණය, කාර්ය ප්‍රවාහ සහ කෘතිම බුද්ධිය (AI) වැනි තාක්ෂණයන් හරහා බැංකුවේ පරිපාලන හා වෙනත් කාර්යයන්වල ස්වයංක්‍රීයකරණ තාක්ෂණයන් හා ක්‍රියාවලීන් ක්‍රියාත්මක කිරීමට අපව දිරිගන්වනවා. ISO සහතිකය මගින් ගුණාත්මකභාවයෙන් යුතු සේවා සංස්කෘතියක් පවත්වා ගැනීමට ඇති අපගේ කැපවීම නැවත අවධරණය කරනවා සේම මෙහෙයුම් විධිමත් කිරීමට, ක්‍රියාවලීන් වැඩි දියුණු කිරීමට, අවදානම් කළමනාකරණය කිරීමට සහ අපගේ වටිනා පාරිභෝගිකයින්ට විශිෂ්ට සේවාවන් සැපයීමට අපගේ අඛණ්ඩ කැපවීම ද පෙන්නුම් කරනවා.” යනුවෙන් HNB Process Excellence (Services) ප්‍රධානී ක්‍රිස්ටෝෆර් තුරයිසිංගම් මහතා පැවසුවේය.

දීප ව්‍යාප්ත පාරිභෝගික ඒකක 254කින් සමන්විත HNB තාක්ෂණික වශයෙන් වඩාත් ශක්තිමත් ශ්‍රී ලංකාවේ පුද්ගලික අංශයේ බැංකුවකි. නිරන්තරයෙන් ආයතනික තිරසාරබව, යහපාලන හා විශිෂ්ටත්වය තුළින් සිය අභිමානය යළිත් තහවුරු කිරීමට සමත්ව ඇති HNB, ශ්‍රී ලංකා වාණිජ මණ්ඩලය මගින් සංවිධානය කරන ලද 2022 වසරේ හොඳම ආයතනික පුරවැසියා (Best Corporate Citizen) ලෙස සම්මාන දිනා ගැනීමට සමත් විය. තවද ඒෂියන් බෑන්කර් සඟරාව විසින් 14 වැනි වරටත් ශ්‍රී ලංකාවේ විශිෂ්ටතම පාරිභෝගික බැංකුව ලෙසත් ඒෂියාමනී සඟරාව වෙතින් “හොඳම කුඩා හා මධ්‍ය පරිමාණ ව්‍යාවසාය (SME) බැංකුව” ලෙසත් HNB අභිසෙස් ලැබීය. මීට අමතරව 2023 වසර සඳහා Business Today සඟරාවේ BT Top 40 හි ඉහළම සමාගම් 5 අතරට ද HNB ශ්‍රේණිගත කර ඇත.

 

Image Caption – (වමේ සිට දකුණට) HNB සහකාර කළමනාකරු – බාහිර ප්‍රේෂණ අමිල ගමගේ, HNB ජ්‍යෙෂ්ඨ කළමනාකාරිනී – මධ්‍යගත මෙහෙයුම් දිල්ෂානි හැලෙක්, HNB ප්‍රධාන කළමනාකාර – ප්‍රේෂණ ඩැෆ්නි ගමගේ, HNB සහකාර සාමාන්‍යාධිකාරී – මෙහෙයුම් සිවරාජා නන්දකුමාර්, Bureau Veritas සාමාන්‍යාධිකාරී ශ්‍රී ලංකාව ශාන් නානායක්කාර, Bureau Veritas කළමනාකාර – අලෙවි සහ විකුණුම් සුභාෂ් ද සිල්වා, HNB Process Excellence (Services) ප්‍රධානී ක්‍රිස්ටෝෆර් තුරයිසිංගම් සහ HNB බැංකුවේ සාමාජික අවිශ්ක ප්‍රනාන්දු යන මහත්ම මහත්මීන් ඡායාරූපයේ වෙයි.

Saru FM Media

LEAVE A REPLY

Please enter your comment!
Please enter your name here