ටියුෂන් සර්ලා දාන අමුතු ඇඩ්ස් – Tuition class tricks – Saru News Media

0
23

ටියුෂන් සර්ලා බොහොමයක් කරන්නෙ ගුරු වෘත්තියම නෙමෙයි කියල බැලූ බැල්මට පේන්නෙ ඒ අය ඒ ඇතුළෙ හැසිරෙන විදිය නිසායි. කුණුහරුප හෝ ඩබල් මීනිං කියලා, ළමයින්ට ආසා හිතෙන විදියට නිදහස වැඩිපුර දීලා, බොරු ෂෝ එකෙන් ගේම් එක ගොඩ දාගෙන යන්නෙ ටියුෂන් බිස්නස් කාරයො. ඔය අතරෙ ළමයෙක්ව පාසලකදි වගේම නිසියාකාරව ගොඩනගන්න උත්සාහ කරන ටියුෂන් ගුරුවරුන් නැතුව නෙමෙයි. එනිසා මේ සටහන අවුල් ටියුෂන් ගුරුවරුන්ට පමණක් වදීවා.

 

මේ කතාවෙන් තමයි අපේ සටහන පටන් ගන්නෙ. දවසක් අපේ යාළුවෙකුගෙන් තවත් යාළුවෙකුට කෝල් එකක් එනවා.

මචං මාව බේරගනිං

ඒ ඇයි?

මාව හිරවෙලා

කොහේ?

ඉංග්‍රීසි පන්තියෙ.

ඇයි? නින්ද ගිහින් ඉද්දි සර් උඹව ඇතුළෙ තියල ලොක් කරලද?

නෑ මීමෝ.. මුං මං ඉංග්‍රීසි කතා කරනකං එළියට යන්න දෙන්නෙ නෑ.

“ඉංග්‍රීසි කතා කරන තුරු කඳවුරෙන් පිටවීම තහනම්” කියල බෝඩ් එකක් ගහපු ප්ලේස් එකකට ඉගෙනගන්න ගිය යාළුවෙකුට ඕක වුණා. අන්න ඒ වගේ බලෙන්ම උගන්නල, පොත් කවල, පාඩම් පොවලා එවනව කියල පොරොන්දු පිට තමයි සර්ලා පන්තිවලට ළමයින්ව ගෙන්නගන්නෙ. ඒක ඇත්තටම මාකටින් පාරක්. ළමයින්ගෙ හිතේ බලාපොරොත්තුව ඇති කරවන්නක්. මරවලා හෝ තමුන්ගෙ ළමයට උගන්නන්න ඕන කියල හිතන අම්මල තාත්තලාට එවුව සුරපුර වගයෙි පේන්නෙ.

 

මේක අමුතුම ආකාරයක සීන් එකක්. ඇත්තටම මෙහෙම සීන් මිනිස්සුන්ට වෙනවද? දැන් උදාහරණෙකට මෙහෙම හිතමුකො. ෆුල් සිංහල ඩයල් එකක් කොච්චර හොඳට ඉංග්‍රීසි කතා කරත් ඒක කරන්න කලින් හිතිං තමුන් කියන දේ ගැන අනිච්ඡානුගවම හිතන්නෙ සිංහලෙන්නෙ. ඉංග්‍රීසි කතාව අඩු කෙනෙකුගෙයි වැඩි කෙනෙකුගෙයි අතරෙ තියෙන වෙනස තමයි ඒ විදියට හිතන දේ ට්‍රාන්ස්ලේට් කරගන්න යන වෙලාව. හැබැයි ඔය ට්‍රාන්ස්ලේට් කරන වේගෙ කොච්චර වැඩි වුනත් දවසම සිංහල කතා කරන මිනිහෙකුට ඔෆිස් එකේදි වගේ තැනකදි කතා කරන ඉංග්‍රීසි ටිකක් නිසා සම්පූර්ණයෙන්ම සිංහල අමතක වෙන්න පුළුවන්ද? හැබැයි ටියුෂන් කරන සර්ලා ඒ වගේ නයි දානව. “ඔබට සිංහල අමතක වීමට ඉඩ ඇත.” වගේ තියෙන්නෙ ඒ බෝඩ්.

 

දැන් ඔය සිංහල වගේ උගන්නා ළමයෙකුට නම් කවියක් දෙකක් කියන්නෙ පොඩ්ඩක් හිත ඇදිලා යන මාකටින් වැඩක්. ඉතිං එහෙමයි කියල දාන ඇඩ්ස් අස්සෙ වෙනිං විෂයන්ටත් ඔය වගේ කතා හරියන්නෙ නැහැ.

Saru FM Media

LEAVE A REPLY

Please enter your comment!
Please enter your name here