නැපෝලියන් සහ ජොසෆින් ආදර කතාව – Saru News Media

0
8

අපි අද උත්සහ කරන්නේ ඉතිහාසයේ සංකීර්ණම ආදර කතාවක් ගැන ඔබේ අවධානය යොමු කරන්න. හැබැයි ඉතින් අවංකව අපිට මේ ආදර කතාවට සාධාරණයක් ඉෂ්ට කරන්න පුළුවන්ද කියන එක සැකයි. ඒකට හේතුව තමයි මෙතුවක් කල් මේ ආදර කතාව ගැන ලියැවුණු පොත්පත්, තිරගත වූ චිත්‍රපටි, වේදිකා නාට්‍ය සහ ටෙලි නාට්‍යය  ගණනාවක් පවතිනවා. මේ හැම නිර්මාණයකින්ම වගේ එකිනෙකට වෙනස් අදහස් තමයි මේ ආදර කතාව ගැන කියැවුණේ. ඒ ඇයි කියලා ඔබට මේ ආටිකල් එක කියවගෙන යද්දි පැහැදිළි වෙයි.

 

උපතේදී මාරී ජොසෆි රෝස් ටැස්ෂර් ඩී ලා පේජරී ලෙස හැඳින්වුණු ඇය පවුලේ සාමාජිකයන් අතර හැඳින්වුණේ මාරී හෝ රෝස් ලෙසයි. නමුත් පසු කාලයක ඇගේ ජීවිතයට එළඹුණු නැපෝලියන් බොනපාට් මේ කිසිදු නමකට ප්‍රිය කළේ නැහැ. ඔහුට ඇය ජොසෆින් වුණා. ඇය වටා ගෙතී ඇති ඇතැම් ජනප්‍රවාද වලට අනුව කුඩා කාලයේ දී අනාවැකිකරුවෙකු ඇය දෙස බලා අනාගතයේ දී ඇය ප්‍රංශයේ රැජින බවට පත් වන බවත් වඩාත් නිවැරදිව කිව්වොත් රැජිනකට වඩා එහා ගිය තත්ත්වයක් අත්කර ගන්නා බවත් කියවුණු බව කියවෙනවා.

 

ජොසපින්ගේ පවුල ආර්ථික වශයෙන් දැවැන්ත අවපාතයකට මුහුණදුන් අතර පවුලෙන් එල්ල වුණු පීඩනය මත ඇය ඇලෙක්සැන්ඩර් බොන්රේ නම් දෙවන පෙළ වංශාධිපතියෙකු සමඟ විවාහ වනවා. මෙම විවාහයට ඉයුජින් නම් පුතෙකු සහ හොටෙන්සේ නම් දියණියක ලැබෙනවා. එම විවාහය කිසිසේත්ම සාර්ථක විවාහයක් වන්නේ නැහැ. ප්‍රංශ විප්ලවය සමයේ දී ඇගේ සැමියාව ඝාතනය කෙරෙන අතර ඇයව සිරගත කෙරෙනවා. පසුව ඇය සිරෙන් නිදහස් වන්නේ අහම්බයකින් වගෙයි.

 

එකල ප්‍රංශ සමාජය තුළ ප්‍රබල පුද්ගලයන් අනියම් බිරින්දෑවරුන් තබාගැනීම විලාසිතාවක් බවට පත්ව තිබුණා. විප්ලවයට පෙර ප්‍රංශ රාජ සභාව තුළ පවා රජවරුන්ගේ අනියම් බිරින්දෑවරුන්ට සුවිශාල බලයක් හිමි වුණා. සිය දරු දෙදෙනා නඩත්තු කිරීමට සහ සමාජ බලයක් ගොඩනගා ගැනීමට ජොසෆින් විසින්ද එම මාර්ගය තෝරා ගත් අතර ප්‍රංශ දේශපාලනයේ ප්‍රබලයකු වූ පෝල් බරාස්ගේ අනියම් බිරිඳ බවට ඇය පත්වුණා.

 

පෝල් බරාස් විසින් සිය මාළිගාවේ සංවිධානය කළ නැටුම් සාදයක් අතරතුර දී එවකට වූ 26 හැවිරිදි වියේ පසුවූ නැපෝලියන් බොනපාට්ව ඇයට මුණ ගැසුණා. ඒ වන විට ඇයට වයස අවුරුදු තිස් දෙකක්. මේ වන විට ප්‍රංශ හමුදාව තුළ ජනප්‍රිය පුද්ගලයෙකු බවට පත්ව සිටි මේ සොල්දාදුවා ඇගේ සිත් ගත් අතර එහි ප්‍රතිඵලය වූයේ පෝල් සමග සබඳතාවය නිමකරමින් ජොසෆින් නැපෝලියන්ගේ අනියම් බිරිඳ බවට පත්වීමයි.

 

Saru FM Media

LEAVE A REPLY

Please enter your comment!
Please enter your name here