මිලින වෙලා ගියපු ආදරේ ආයෙමත් මල්ඵල ගන්වන්නේ මෙහෙමයි – Saru News Media

0
17

දැන් අපි හැමෝම ජීවිතේ එක පාරක් හරි ලව් කරල ඇතිනේ. ඔතනින් සිතින් විතරක් පෙම් කරන්නන් සීන් එහෙම අතාරිමුකෝ. ට්‍රයි කරලා හුටස් වෙච්ච එව්වත් අතාරිමුකෝ. එතනින් එහාට අමාරුවෙන් කට්ට කාලා පස්සෙන් ගිහින් ගිහින්, ඉස්සරහින් ගිහින් යාළු කරගෙන නියම විදියට ප්‍රේම සම්බන්ධයක් විදියට පටන් ගත්තු එව්වා හිතමුකෝ. දැන් පටන් ගත්තු ගමන් ඉතින් ප්‍රේම විලේ කිමිදෙමින්, සිහින ලෝකේ පියාඹමින්, එළිවෙනකල් මල් කඩමින්, දවල් වරුවෙම හීන දකිමින් වැඩේ නැගලා යනවනේ. හැබැයි ඔහොම ටික කාලයක් යනකොට ඔය ආදරේ පටන් ගත්තු අළුත තියෙන ෆුල් ෆ්‍රෙෂ් ගතිය පොඩ්ඩ පොඩ්ඩ බහින්න පටන් ගන්නවා. අර මතක් වුණත් කිචි කැවෙන ගතිය, බඩේ සමනල්ලු පියාඹන ගතිය එහෙම අඩු වෙලා අඩු වෙලා ගිහිල්ලා නැති වෙනවා. දැන් එතකොට සම්බන්ධේ නතර වෙනවද? ෆුල් සීරියස් එකේ, සමහර වෙලාවට කසාද බඳිනවාමයි කියලා පටන් ගන්න ලව් සම්බන්ධතා එහෙම නවතින්නෙ නෑ. හැබැයි ඉතින් ඔහොම පතෝල වගේ පුරුද්දට වගේ ලව් එකක් ගලාගෙන ගිහිල්ලා ඇති වැඩකුත් නෑ. 

 

දැන් එතකොට මොකද කරන්නේ? සම්බන්ධේ නවත්තනවද? කොහෙත්ම නෑ. ලව් එකේ ෆ්‍රෙෂ් ගතිය අඩු වෙලා, පටන් ගත්තු කාලේ තිබුණු කික් එක නැතිවුණත්, ලව් එක ආයෙමත් දළු දාලා වැඩෙන්න, ආයෙමත් කික් එකකින් දුවන්න, දෙන්නට ආයෙමත් පණට පණ වගේ ආදරෙන් ඉන්න පුළුවන් හැඟීමක් ඇති කරවන්න කරන්න පුළුවන් වැඩ තියෙනවා. නෑ නෑ ඔය කල්ලු මලයාලි ගුරුකං නෙවෙයි. සරල පියවර කීපයකින් වැඩේ ගොඩදාගන්න පුළුවන්! 

 

මේක ඉතින් පළවෙනිම කාරණාව. ටික කාලයක් ලව් එක ඔහේ යනකොට වෙන වෙන සයිඩ් ප්‍රොජෙක්ට්ස් වලට, සයිඩ් එකෙන් ඉඳන් හිනැහෙන නංගිලාට අයියලාට එහෙමත් හිත යන්න පටන් ගන්නවා. එව්වා ඉතින් කරන්ඩ දෙයක් නෑ. අපි කවුරුත් මිනිස්සුනේ. ඒවා නිකම්ම සෙක්ස් කරලා ඉවර වෙන හදිසි ආකර්ෂණ නම්, ඒත් ලව් එක නැතිවෙන්න හේතුවක් වෙන්නෙ නෑ. හැබැයි ප්‍රශ්නේ තියෙන්නේ මේ සයිඩ් කාර්, ස්පෙයාර් වීල් එක්ක ලව් හුටපට පටන් ගන්නකොට තමයි. එතකොට ආයෙත් අර අලුත් සීන් එකක තියෙන ෆ්‍රෙෂ් ගතිය එහෙම දැනෙන්න පටන් ගන්නවා. එතකොට කොහොමත් පරණ එක ගතියක් නෑ වගේ දැනෙනවා.

 

දැන් ආයෙමත් අර පරණ ලව් එක පණගන්වා ගන්න නම්, මූලිකවම තීරණය කරන්න ඕන තමන්ට ඕන මොනවද කියලා. පරණ එක තියාගන්න ඕන නම් අළුත් මගුල් වහාම අයින් කරන්න ඕන. සයිඩ් එකෙන් ඉඟි බිඟි වත් තියාගන්න බෑ.

 

දෙවෙනියට කරන්න ඕන දේ තමයි, තමන්ගේ තියෙන ලව් එක සම්බන්ධයෙන් මුළු හිතින්ම හිතන්න පටන් ගන්න එක. ඒ කියන්නේ, එයාව මුලින්ම දැක්කහම මොනවද හිතුණේ, එයා එක්ක යාළුවෙන්න ආසාවක් ආවේ ඇයි, එයාව යාළුකරගන්න දඟලනකොට තිබුණු හැඟීම්, එයා කැමතියි කිව්ව දවසේ දැනුණු හැඟීම වගේ දේවල් ආයෙමත් පොඩ්ඩක් මතක් කරගන්න බලන්න. එයාට අපි ගොඩක් කැමති වෙන්න හේතු වුණු කරුණු මොනවද කියන එක එහෙමත් පොඩ්ඩක් මතක් කරගන්න ට්‍රයි කරන්න. දෙන්නගේ ලව් එකේ රස මුසු තැන් ආයෙමත් ආයෙමත් ආවර්ජනය කරලා බලන්න.

 

ඇත්තටම ගොඩක් වෙලාවට ඔය ප්‍රේම සම්බන්ධතා එහෙම පරණ වෙන්න හේතුවත් අපිම තමයි. ඒ කියන්නේ අපි බිසී වීම, ප්‍රමුඛතාවයන් හරියට හසුරුවා ගන්න බැරි වීම වගේ දේවල් නිසා අපි ලව් කරන පාට්නර්ට දෙන්නේ අඩු ප්‍රමුඛතාවයක්. ඇයි ඉතින් දැන් ඒක සෙට් කරගෙන ඉවරයිනේ. අන්න ඔය මානසිකත්වය තමයි ගොඩක් දෙනෙක් තමන්ගේ පෙම්වතාට හරි පෙම්වතියට හරි අඩු ප්‍රමුඛත්වයක් දෙන හේතුව. හරියට විභාගේ ඉවරවුණාට පස්සේ පාඩම් කරන්නෙ කවුද කියලා ඇහුවා වගේ. හැබැයි එහෙම හරියන්නෙ නෑ ලව් එක ගොඩගන්න නම්. ප්‍රමුඛතාවයන් හරියට හදාගන්න ඕන.

 

Saru FM Media

LEAVE A REPLY

Please enter your comment!
Please enter your name here