මේ අභිරහස් කාල තරණ සාක්ෂි ඇත්තද බොරුද? – Saru News Media

0
9

කාල තරණය කියන්නේ ඇත්තක්ද බොරුවක්ද කියන එක ලෝකයේ පහුගිය වසර සීය පමණ පුරාවටම කතා වෙන දෙයක්. විශේෂයෙන්ම විද්‍යාව දියුණු වෙද්දී, ඒ නිසාම උපකරණ වල කාර්යක්ශමතාව වැඩි වෙද්දී, කාලය හරහා යෑම කියන එක ගැන කතිකාවත දැඩි ලෙස වර්ධනය වෙලා තියෙන බව පේනවා. අපි අද ඔබත් එක්ක බෙදා හදා ගන්න යන්නේ කාල තරණය ගැන ලෝකයේ තියෙනවාය කියන සාක්ෂි කිහිපයක් ගැන. මේ සාක්ෂි ගැන දැනගන්න කලින් අපි මුලින්ම බලමු කාල තරණය කියන්නේ මොකක්ද කියලා.

 

අපි ජීවත් වෙන වර්තමාන මොහොතේ ඉඳන් ඉස්සරහ කාලයකට හෝ පිටුපස කාලයකට අපට යන්න පුලුවන්නම් අන්න ඒක කාල තරණයක් ලෙස හඳුන්වනවා. නිවුටන්ගේ විද්‍යාව මිනිසුන්ව සරල කාරණා ටිකකට ගොනු කරද්දී අයින්ස්ටයින් සාපේක්ශතාවාදය කියන බරපතල තැනකට මිනිස්සුන්ව ගේනවා. ඔය සාපේක්ශතාවාදය එක්කම “මිනිසුන්ට කාලය හරහා ගමන් කරන්න පුලුවන් ය. ඒකට කරන්න ඕන ආලෝකයේ වේගයට වඩා වැඩි වේගයෙන් ගමන් කිරීම පමණක් ය” වගේ තවත් කතන්දර කිහිපයක්ම ලෝකයට අලුතින් එනවා. ඔන්න ඊට පස්සේ තමයි මිනිස්සු කාල තරණය ගැන වැඩියෙන් හොයන්න පෙළඹුනේ. ඊට පස්සේ තමයි චිත්‍රපට වලට කාල තරණය කල මිනිස්සු ගැන කතා එන්න පටන් ගත්තේ.

Terminator චිත්‍රපට මාලාවේ
Star Trek චිත්‍රපටයේ
Men in Black චිත්‍රපටයේ
Back to the Future චිත්‍රපටයේ වගේ

සිනෙමා පට බොහොමයක මේ කාල තරණය ගැන සඳහන් වෙනවා.

 

 

මේක තමයි කාල තරණය ගැන තියෙන ලොකුම ප්‍රශ්නය. සිද්ධාන්තමය වශයෙන් නම් දැනට පිළිගන්න මතය තමයි කාල තරණය කළ හැක්කක් කියන එක. ඒත් දැනට ලෝකයේ තියෙන තාක්ෂණය මත කාල තරණය කරන්න ප්‍රායෝගිකව බෑ කියලයි විද්‍යාඥයෝ කියන්නේ. අදටත් විද්‍යාඥයෝ ඉතා කුඩා පරමාණුවක් තත්පර 0.0001ක් වගේ කුඩා කාලෙකින් අතීතයට යවන්න පුලුවන්ද වගේ දේවල් ගැන පරීක්ෂණ පවත්වලත්, සාර්ථක වෙන්න හැකියාවක් නැතුවයි ඉන්නේ. ඒ වගේම අපි මතක තබා ගත යුතු දෙයක් තමයි කාල තරණය ගැන තියෙන ඡායාරූප සාක්ෂි සහ අනෙකුත් සාක්ෂි හැම එකටම “මේක කාල තරණයක් නොවේ” කියලා කියන්න ප්‍රති තර්ක ඉදිරිපත් වෙනවා. ඒක හන්දා මේ සාක්ෂි ටික අපි විමසිල්ලෙන් බලමු.

 

කාල තරණය පිළිබඳ සාක්ෂි

 

1941 අවුරුද්දේ බ්‍රිටිශ් කොලොම්බියා වල South Fork Bridge නමින් හඳුන්වන පාලමේ නැවත විවෘත කිරීමේ උත්සවයට පැමිණි අමුත්තන් ඡායාරූප ගත කරලා තිබුණා. ඒ ඡායාරූප වල ඉන්න එක පුද්ගලයෙක්ගේ ඇඳුම් පැළඳුම් විලාසිතා සහ ඔහු අත දරා සිටින උපකරණය ඒ යුගයට අයත් නොවන බව පෙනෙන්න තිබුණ හන්දා ඔහු සුවිශේෂීයි කියලා බැලූ බැල්මට පෙනෙන්න ගත්තා. ඔහු ඇඳල තිබුණේ වර්තමාන තරුණයන් ඇඳීමට ප්‍රිය කරන වර්ගයේ ලොකු ලාංඡනයක් සහිත ටී ශර්ට් එකක්. ඒ වගේම පැළඳලා තිබුණ අවු කණ්නාඩියත් වර්තමාන කාලයේ විලාසිතාවලට ගැලපෙන්නක් උනා. ඒ වගේමයි ඔහුගේ අතේ දකින්න ලැබෙන්නේ නූතන යුගයට අයත් වගේ පෙනෙන කැමරාවක්. ඉතින් ගොඩක් දෙනා කියන්න සහ හිතන්න ගත්තා මේ කාල යාත්‍රිකයෙක් කියලා. මෑත යුගයේ සිට අතීතයට ගියපු කෙනෙක් කියලා කතා කරන්න ගත්තා.

හැබැයි මේ පුද්ගලයා ඇඳන් ඉන්න ඇඳුම ඒ කාලේ කැනඩාවේ සිටි හොකී කණ්ඩායමක නිල ඇඳුමක් බවටත්, මෙම විලාසිතාවට අයත් අවු කණ්ණාඩි 1920 සිට නිපදවූ බවටත්, මොහු අත ඇත්තේ එකල භාවිත වූ කැමරා වර්ගයක් බවටත් ප්‍රති තර්ක ඉදිරිපත් වෙනවා.

 

Saru FM Media

LEAVE A REPLY

Please enter your comment!
Please enter your name here