මේ වැලන්ටයින් එකට රොමෑන්ටික් සන්ධ්‍යාවක් සඳහා යන්න හොඳ තැන් කීපයක්! – Saru News Media

0
19

වැලන්ටයින් දවස කියන්නේ තනිකඩ කොල්ලන්ට කෙල්ලන්ට නං, කපල් වලට ගල් ගහන්න හිතෙන දවසක් වුනත්, හාද වෙලා ප්රේම ගඟේ පීන පීනා ඉන්න උදවියට නං වැලන්ටයින් දවස අති විශේෂයි. තුන්සිය හැට හතර දවසක්ම ආදරේ සැමරුවත්, වැලන්ටයින් ඩේ එකටත් මොකුත් කළේ නැත්තං නිකං ලව් එකේ ඉන්න කපල් එකකට හිතට හරි නෑ නෑ වගේ. ආන්න නිසා අපි හිතුවා, ෆුල් ලව් එකේ ඉන්න කපල් එකකට වැලන්ටයින් ඩේ එකට රොමෑන්ටික් හැන්දෑවක් ගෙවන්න සෙට් වෙන කොළඹ අවට තියෙන රෙස්ටුරන්ට් කීපයක් හඳුන්වලා දෙන්න

 

වැලන්ටයින් එකට ඉටිපන්දම් එළියෙන් ආලෝකවත් වුණු ආහාර වේලක් තමන්ගේ ආදරවන්තයා හෝ ආදරවන්තී එක්ක ගන්න නම් යන්න හොඳම තැනක් තමයි ඇල්ෆ්රඩ් හවුස් පාරේ තියෙන ගැලරි කැෆේ. විශේෂයෙන්ම බොහොම නිස්කලංක සුන්දර තැනක් වීම නිසාත්, කොලෝනියල් ගතියක් තියෙන වෙනස් හැඟීමක් ලබාදෙන තැනක් වීම නිසාත්, විශිෂ්ට ආහාර පාන පරාසයක් තිබීම නිසාත්, මෙතන පොඩ්ඩක් ගණන් වැඩියි කියන එක අමතක කරන්න පුළුවන්. අනික වැලන්ටයින් එන්නේ අවුරුද්දකට සැරයයිනේ. කෑම ඕඩර් කරලා මේසෙට එනකල් දෙන්නත් එක්ක කොක්ටේල් එකක් හරි මොක්ටේල් එකක් හරි රස විඳින ගමන් නිසංසලේ කතාබහ කර කර ඉන්න පුළුවන්.

 

Brasserie කියලා සාමාන්යයෙන් ප්‍රංසයේ කියන්නේ, නිස්කලංකේ ගිහින් ඉඳගෙන කෑමක් කන්න පුළුවන් විදියේ රෙස්ටුරන්ට් වර්ගයක්. හැබැයි ලංකාවේදී Brasserie කියලා කියන්නේ ඉහළ පෙළේ ප්‍රංස අවන්හලක්. මේක ෆයින් ඩයිනින් වලට අයිති වෙන, ටිකක් ගණන් හිලව් ඉහළ තැනක්. හැබැයි විශේෂිත දවසකට දෙන්නත් එක්ක ගිහින් නිස්කලංකේ ඩිනර් එක ගන්න හොඳ තැනක්. වැලන්ටයින් කියන්නෙත් එහෙම විශේෂ දවසක් කියලා ගන්න පුළුවන්නේ. මෙතන තියෙන කෑම බීම ඉහළම මට්ටමේ, සුවිශේෂී ඒවා කියලා අපිට සහතික කරන්න පුළුවන්. වගේම මෙතන තියෙන වයින් එකතුවත් විශේෂයි කියලා අපිට කියන්න පුළුවන්. ඕන නම් සාමාන්‍ය මිලකට තියෙන වයින් වීදුරුවක් වගේම, අතිශයින්ම මිලාධික වයින් බෝතලයක් වුනත් ගන්න පුළුවන්. ඇත්තටම මෙතන වටපිටාවත් අර ඉහළ මට්ටමේ රෙස්ටුරන්ට් එකක් කියන හැඟීම තමයි ලබාදෙන්නේ. හැබැයි රොමෑන්ටික් ඩිනර් එකකට වුනත් තැන නරක නෑ.

 

ආදරේ සමරන්න ෆයින් ඩයිනින් රෙස්ටුරන්ට් එකක වගේම, පුංචි මුල්ලක තියෙන ලස්සන හුදෙකලා කැෆේ එකකත් පුළුවන්. අන්න නිසා තමයි අපි ලිස්ට් එකට, කොළඹින් ටිකක් ඈතට වෙන්න තියෙන පෙගීස් කැෆේ එකත් ඇතුළත් කරන්නේ. පෙගී ගේ කැෆේ එක තියෙන්නේ කඩවත, කිරිල්ලවල ප්රදේශයේ. එක පාරටම හොයාගන්න බැරි පුංචි තැනක හැංගිලා තිබුණත්, ඇතුළට ගියාට පස්සේ මේ කැෆේ එකේ තියෙන රොමෑන්ටික් ගතිය පේන්න පටන් ගන්නවා. ඇත්තටම රොමෑන්ටික් ගතිය නිසාම, වැලන්ටයින්ස් ඩේ එකට දෙන්නත් එක්ක ගිහින් හවස් වරුව නිදහසේ ගත කරන්න අපිට පෙගී ගේ කැෆේ එක රෙකමදාරු කරන්න පුළුවන්. එයා චොකලට් රසට කැමති නම්, චොකලට් උතුරන මයිලෝ ෂේක් එකක් අරගෙන දීලා, ඔයාට පුළුවන් මොහිතෝ එකක් තොලගාන්න. පෙගීගේ කැෆේ එකේ ආදරේට කිසිසේත්ම බාධා නෑ!

 

Saru FM Media

LEAVE A REPLY

Please enter your comment!
Please enter your name here