ෂර්ලොක් හෝම්ස් වගේ රහස් පරීක්ෂකයෙක් වෙන්න කැමතිද? එහෙමනම් මෙන්න මේ දක්ෂතා තමයි හදාගන්න ඕනෑ! – Saru News Media

0
1

ෂර්ලොක් හෝම්ස්ව නොදන්න කෙනෙක් ඉන්න බෑනෙ ඉතින්. එතකොට ෂර්ලොක් හෝම්ස්ට තිබුණු අතිශයින්ම තියුණු රහස් පරීක්ෂක හැකියාවන් ගැනත් නොදැන ඉන්න විදියක් නෑ. ෂර්ලොක්ගේ හැකියාවන් මෙහෙම තමයි. ඔන්න මනුස්සයෙක් ඉස්සරහට එනවා. ෂර්ලොක් ඒ මනුස්සයගේ වළලුකර දෙකේ සමානව තියෙන ලකුණු නිරීක්ෂණය කරලා කියනවා මේ මනුස්සයා පොල් කඩන කෙනෙක් කියලා. එහෙම නැතිනම් එයාගේ පර්ෆියුම් සුවඳ ආඝ්‍රාණය කරලා, ඇඳුම් දිහා බලලා කියනවා මෙයා ඉස්සර හොඳට සල්ලි තිබුණු, ඒත් මෑතකදී සල්ලි නැතිකරගත්තු කෙනෙක් කියලා. මාරයි නේ?

ඇත්තටම කිවුවොත් අපිට වුනත් ෂර්ලොක් හෝම්ස් කෙනෙක් වෙන්න පුළුවන්. එතකොට ඒකේ තියෙන ප්‍රයෝජනේ මොකද්ද කියලා කෙනෙක් අහයි. ඕන නම් ප්‍රයිවට් ඉන්වෙස්ටිගේටර් කෙනෙක් වෙන්නත් පුළුවන්, සයිඩ් බිස්නස් එකක් විදියට. එහෙම නැති වුණත්, අපිට එදිනෙදා ජීවිතේදී අපිට මුණගැහෙන මිනිස්සු, අපි යන එන තැන් ගැන වඩාත් අවධානයෙන් ඉඳලා, වැඩි අවබෝධයක් ලබාගන්න පුළුවන් වෙන එකම ලොකු ප්‍රයෝජනයක් නෙවෙයිද? උදාහරණයක් විදියට අපිට අපේ ඩිටෙක්ටිව් ස්කිල්ස් හදාගන්න පුළුවන් නම්, කෙනෙක් අපිට ඇත්ත කියනවද බොරු කියනවද කියන එක පවා හොයාගන්න පුළුවන් වෙයි!

ආන්න ඒ නිසා තමයි අපි රහස් පරීක්ෂක හැකියාවන් දියුණු කරගන්න පොඩි ටිප්ස් ටිකක් දෙන්න හිතුවේ!

 

නිරීක්ෂණය කියන එක ඇත්තටම අපි ගොඩක් දෙනෙක් හරියට නොකරන දෙයක්. අපි කීයෙන් කී දෙනාද අපේ වටාපිටාව ගැන, වටාපිටාවේ තියෙන සියුම් දේවල් ගැන අවධානය යොමු කරන්නේ? ආන්න ඒ නිසා ආරම්භයක් විදියට මේක හොඳ ව්‍යායාමයක්. වෙනදා වගේ දේවල් දඩිබිඩියේ කරලා දුවන්න හදනවා වෙනුවට, පොඩ්ඩක් කාලය අරගෙන අපි අවට තියෙන හැම දේම දිහා හරියට සැලකිල්ලෙන්, අවධානයෙන් බලන්න පටන් ගමු. විශේෂයෙන්ම අපි අවට, අපිට මුණගැහෙන මිනිස්සු සම්බන්ධයෙන් පුංචි පුංචි දේවල් ගැන අවධානය යොමු කරමු. මේක දිගටම කරනකොට අපිට වෙනදා නොදකින විවිධ දේවල් නෝටිස් වෙන්න පටන් ගනී. හැබැයි මේකත් එක්ක ඉවසිල්ලත් ප්‍රගුණ වෙයි දන්නෙම නැතුව. 

 

අපි පොඩි ඩිටෙක්ටිව් නෝට්පොතක් තියාගමුද? ඒ කියන්නේ සාක්කුවේ හරි බෑග් එකේ හරි පහසුවෙන් දාගෙන යන්න පුළුවන් නෝට් පොතක් ගමු. දැන් ඒ නෝට් පොතේ අපි ලියන්නේ ලෝකය ගැන හරි මිනිස්සු ගැන හරි අපි කරන නිරීක්ෂණ. මේක හොඳ ක්‍රමයක් හොඳ ඒකාග්‍රතාවයක් තියාගෙන දේවල් නිරීක්ෂණය කරන්න. විශේෂයෙන්ම අපි දේවල් මේ විදියට ලියනකොට, අපිට වඩාත් හොඳට වඩා සියුම් තොරතුරු ගැන අවධානය යොමු කරන්නත් පුළුවන් වෙයි. උදාහරණයක් විදියට අපි කෙනෙක්ව නිරීක්ෂණය කරනකොට, එයා කොයි තරම් වාර ගාණක් වතුර බොනවද, එයා කොයි තරම් කම්පියුටර් එක දිහා බලාගෙන ඉන්නවද වගේ තොරතුරු වුනත් හරියට නෝට් පොතක රෙකෝඩ් කළොත්, ඒකෙන් ඒ කෙනා ගැන ගොඩක් දේවල් හොයාගන්න පුළුවන් වෙයි.

 

ඇත්තටම අද කාලේ ඉන්න ගොඩක් දෙනෙක්ට තියෙන ප්‍රශ්නයක් තමයි කඩිමුඩිය, කලබලය. ගොඩක් දෙනෙක් කන්නෙත් ක්ෂණික කෑම, ජීවත් වෙන්නෙත් ක්ෂණික නූඩ්ල්ස් වගේ. කොයි වෙලේත් කලබලේ. නිස්කලංකව, නිසංසලේ ඉන්න පුළුවන් කමක් නෑ. පෝලිමක හිටගෙන ඉන්නවත් ඉවසිල්ලක් නෑ. ඉතින් ආන්න ඒ වගේ කෙනෙක්ට ඩිටෙක්ටිව් කෙනෙක් වෙන්නත් බෑ!

ඒකට මොකද කරන්නේ? කරන්න පුළුවන් ගොඩක් දේවල් තියෙනවා. ඇත්තටම ඩිටෙක්ටිව් කෙනෙක් වෙන්න විතරක් නෙවෙයි, තමන්ගේ ජීවිතේ හොඳ ඒකාග්‍රතාවයකින් ගත කරන්නත් මේ ඉවසිලිවන්ත කම, සං‍යමය සහ ශාන්ත බව වැදගත්. ඒකට ඉතින් පහසුම ක්‍රමයක් තමයි දවසකට පොඩි වෙලාවක් හෝ භාවනා කරන්න ගත කරන එක. මෙහෙම භාවනාවක් ප්‍රගුණ කරන එකෙන් අපිට ක්‍රම ක්‍රමයෙන් දේවල් දිහා සං‍යමයෙන් බලන්න හැකියාව වර්ධනය කරගන්න පුළුවන් වෙයි.

 

Saru FM Media

LEAVE A REPLY

Please enter your comment!
Please enter your name here