සරම ගැන රසවත් වැදගත් කරුණු දැනගමු – Saru News Media

0
2

ටිකක් ලොකු ටියුබ් එකක් විදිහට තියෙන, ඇතුළට බැහැලා අඳින්න තියෙන සරම අවුරුදු කාලෙට නම් වැඩියෙන් කල එළි බහිනවා. ලොකු ලොකු නිලවල අයත් අවුරුදු කාලයට සරම ඇඳගෙන ටීවී එකට පෙනී සිටිනවා. ඒත් දැන් සාමාන්‍යයෙන් බස් එකක, කෝච්චියක, ටවුමක වුනත් සරම් ඇඳපු අය අඩුයි. අනූව අසූව කාලෙදි ගම්මාන වල සරම් අඳින අය ගොඩක් හිටියත් අද වෙද්දි ගම් වල පවා කලිසම්කාරයෝ වැහි වැහැලා. ඉතින් සරම් ගැන පොඩි කාරණා ටිකක් ඔයාලට ඉදිරිපත් කරන්න අපි හිතුවා. 

 

නැහැ. සරම කියන එක අපේ ජාතික ඇඳුමටත් එක්කාසු වෙනවා. අවුරුදු වෙලාවට අපි අපේම ඇඳුමක් විදිහට සරම අඳිනවා. ඒත් සරම කියන්නේ ​එහෙම අපේම ඇඳුමක් නම් නෙමෙයි. සරම දකුණු ඉන්දියාවේ වගේම අග්නිදිග ආසියාවෙත් ජනප්‍රිය ඇඳුමක්. ඊට අමතරව අප්‍රිකාවේ ජනතාවත් සරම අඳිනවා. මේ සරම ඇතැම් කලාප වලදි ලුංගිය විදිහට හැඳින්වෙනවා. අපේ මුස්ලිම් අය අඳින කොටු කොටු ජාතියේ සරම් කේරළයේ වගේම ඉන්දුනීසියාවේ දිවයින් වල ජනතාවත් අඳිනවා. සරම් කියන වචනයත් ඉන්දුනීසියාවේ ජාවා බාසාවෙන් බිඳී ආපු වචනයක්.

 

සරම දුන්නම කලින් ඇඳලා නැති කෙනෙක් නම් මුලින් එන අවුල තමයි කොහොමද සරම අඳින්නේ කියන එක. සරම අඳින විදිය සුද්දට ප්‍රශ්නයක්. ඊට අමතරව සරමට කලිසමට වගේ පොකට් එකක් නැති එකත් සුද්දට ප්‍රශ්​නයක්. ඒ වගේම සරම හිර කරගැනීම, ඒක ඇඳගෙන දිවීම වගේ සාමාන්‍ය සරම් ගැටළු කිහිපයක්ම සුද්දට එනවා. සරම ඇන්දාම බුරිය හරියට සෙට් වෙන සරම් ගැටේ අස්සේ ඉස්සර අපේ ආතලා බුලත් මඩිස්සලය, සල්ලි පොට්ටනිය ගහගෙන ගියා. පස්සේ කාලෙක ආවා සරමට බඳින අඟල් දෙකක් විතර මහත බෙල්ට් එකක්. ඒ බෙල්ට් එකේ තිබුණා පොඩි පොකට් එකක්. ඒ කාලේ සරම් ඇඳපු අපේ සීයලා ඒ පොකට් එකේ සල්ලි දාගත්තා. දැන් නවීන ලෝකයෙත් ඒ වගේ ඉණ වටේ බඳින පටි ආදිය තියෙනවා ෆෝන් එකක්, පර්ස් එකක් දාගන්න පුළුවන් ලොකු ඉඩක් තියෙන. සරම ඇඳලා එයින් එකක් දාගත්තා නම් පොකට් ප්‍රශ්නය ගාණට ශේප් වෙනවා.

 

සරම කියන්නේ ඇඳුමක් වගේම ඒක බෙඩ්ශීට් එකක් විදිහට පාවිච්චි කරන්නත් පුළුවන්. සරම නමලා කරලා අමුඩය ගහගෙන ගහකට නඟින්නත් පුළුවන්. දෙමළ චිත්‍රපට වල පෙන්වන විදිහට වලියකට වගේ සෙට් වෙනවා නම් සරම කැහැපට ගහගත්තාම ඕනි වලියකට දුවන්න, පනින්න හැකියාව ලැබෙනවා. ඉතින් කලකට පෙර නම් සරම් දෙකක් ඇඳලා උඩ ඇඳුම විදිහට පාවිච්චි කරපු අයත් හිටියා. අනූව දශකයේ ජනප්‍රියම නාට්‍යයක් වුන කෝපි කඩේ සිටි කුරුං ගුරුං චරිතය එහෙම සරම් දෙකක් ඇඳලා එකක් උඩට ඇන්ද චරිතයක් වුණා.

 

ගෑණු අය සරම අඳිනකොට ඒක සරම කියන නමින් හඳුන්වන එක අඩුයි. ලුංගිය විදිහට සරමේ ගෑණු වර්​ෂන් එක දැක්වෙනවා. ලංකාවේ මේ ගෑණු සරම හෙවත් ලුංගි එතරම් ජනප්‍රිය නැහැ. අවුරුදු කාලෙට සහ මැදිවියේ කාන්තාවන් උත්සව වලට මේ වැනි ලුංගි අඳිනවා. ඒත් මියන්මාරයේ ලුංගිය ජනප්‍රිය තවමත් කාන්තාවන් අඳින වස්ත්‍රයක්. මියන්මාර ලුංගිය සහ පිරිමි සරම ස්වරූපයෙන් දිග පළලින් එක වගේ වුණාට ඒක අඳින විදිහ වෙනස් වෙනවා. පිරිමින්ට වගේ දුව පැනලා කෙලි කරන්න අමාරුයි ඒ මියන්මාර ක්‍රමයට ගෑණු ලුංගිය ඇන්දාම. මියන්මාරයේ ලුංගි දැන් නම් අඳින්න පහසු විදිහට පටි ඇතුළත් කරලා එනවා. ඒ වගේම ඒ බර්මීස් ලුංගි විවිධ හැඩයෙන්, වර්ණයෙන් ස​හ මෝස්තර වලින් මිලදී ගන්නත් ඒ රටේදි අවස්ථාව ලැබෙනවා.

 

Saru FM Media

LEAVE A REPLY

Please enter your comment!
Please enter your name here