හරියට සර්ච් කරන්න දන්නවද? එහෙම දන්නෙ නැතිනම් හරියට ඉන්ටර්නෙට් සර්ච් කරන විදිය ඉගෙන ගමු! – Saru News Media

0
9

දැන් ඉස්සර නම් අපිට ඉන්ටර්නෙට් තියා කම්පියුටර් වත් තිබුණෙ නෑනේ. එතකොට අපිට මොකක් හරි ගැන දැනගන්න ඕනෑ වුණහම කොහොමද දැනගත්තේ? පොත පත කියෝලා තමයි. සමහර වෙලාවට සඟරා වලින් දැනුම ගත්තා. එතකොට විශ්වකෝෂ තිබුණා. ඒවෑයින් දේවල් හොයලා බලන්න පුළුවන් වුනා. හැබැයි දැන් වෙනකොට ඕනම කෙනෙක්ට තමන්ගේ ස්මාට්ෆෝන් එක හරි අතේ තියෙනවා නම් ඕනම දෙයක් ඉන්ටර්නෙට් එකෙන් හොයාගන්න පුළුවන්. හැබැයි එකක්: හැමෝම හරි විදියට ඉන්ටර්නෙට් සර්ච් කරන්න දන්නෙ නෑ. ඒ කියන්නේ ඔය සර්ච් එන්ජින් වල එහෙම උපරිම හැකියාවන්ගෙන් ප්‍රයෝජනය ගන්න දන්නෙ නෑ. අන්න ඒ නිසා අපි හිතුවා, ඔය ඉන්ටර්නෙට් සර්ච් කරන එකේ තියෙන පොඩි පොඩි ට්‍රික්ස් ඇන්ඩ් ටිප්ස් ටිකක් කියලා දෙන්න.

 

අපි දැන් විශේෂයෙන්ම ගූග්ල් සර්ච් ගත්තොත්. අපිට හරිම රිසල්ට්, අපිට වුවමනාම රිසල්ට් සර්ච් එකකින් ලබාගන්න භාවිතා කරන්න පුළුවන් පොඩි පොඩි ට්‍රික්ස් තියෙනවා. එකක් තමයි quotes පාවිච්චි කිරීම. උදාහරණයක් විදියට “my fair lady” කියලා උදෘත ලකුණු යටතේ සර්ච් කළොත්, අපිට එන්නේ හරියටම ඒ සම්පූර්ණ වාක්‍යාංශයට අදාළ රිසල්ට්ස්. එහෙම නැතුව ඒකට ලඟින් යන දේවල් වල අනුමාන කරපු රිසල්ට්ස් එන්නෙ නෑ.

සමහර සර්ච් කරන වචන විවිධ දේවල් වලට සම්බන්ධ වෙනවනේ. උදාහරණයක් විදියට ගත්තොත්, නිකම්ම Mustang කියලා සර්ච් කළොත් මස්ටෑන්ග් කාර් එක ගැන රිසල්ට්‍ වගේම මස්ටෑන්ග් කියලා කියන අස්ස වර්ගේ ගැනත් රිසල්ට්ස් එනවා. හැබැයි Mustang -cars කියලා හයිෆන් එක නැතිනම් ඉරක් එක්ක සර්ච් කළොත් එන්නේ මස්ටෑන්ග් කාර් ගැන තොරතුරු විතරයි.

එතකොට අපිට යම් කිසි සයිට් එකක් ඇතුළේ විතරක් මොනවා හරි සර්ච් කරන්න ඕනෑ වුණොත් කරන්නේ මෙහෙමයි. Covid-19:who.int. ආන්න එතකොට ලැබෙන්නේ WHO සයිට් එක ඇතුළේ Covid-19 ගැන තියෙන තොරතුරු විතරයි.

අපි හිතමු කවුරුහරි කියපු පාඨයක අපිට මතක එහෙන් මෙහෙන් කෑලි කියලා. අන්න එතකොට ඒක සර්ච් කරන්න ඕන විදියක් තියෙනවා. life*theater*actors. අන්න එතකොට ගූග්ල් මේක සර්ච් කරනකොට ඔලුවේ තියාගන්නවා මේ තරු ලකුණු තියෙන තැන් වලට ඕනම වචන ටිකක් එන්න පුළුවන් කියලා. එහෙම සර්ච් කරලා මේකට ආසන්නවම යන පාඨ ටික හෝ ලින්ක්ස් ලබාදෙනවා. සිංදු කෑලි විතරක් මතක වෙලාවට සර්ච් කරන්න මේ ක්‍රමේ වටිනවා.

 

දැන් ගූග්ල් වලින් සර්ච් කරනකොට අපිට පාවිච්චි කරන්න පුළුවන් ටූල්ස් කීපයක් තියෙනවා. ඒකෙන් ප්‍රධාන එකක් තමයි කොයි කාලයේ රිසල්ට්ස්ද අපිට ඕන කියන එක. උදාහරණයකින් දක්වනවා නම්, අපිට කොවිඩ්-19 ගැන නවතම තොරතුරු ඕන නම්, අපිට පුළුවන් කොවිඩ්-19 කියලා ටයිප් කරලා, ඊට පස්සේ Tools වලට ගිහින් ඒකේ කාල පරාසය සෙට් කරන්න. Past 24 hours කියලා දුන්නොත් අපිට පෙන්නන්නේ පහුගිය පැය විසිහතර ඇතුළත රිසල්ට්ස් විතරයි. ඒකෙන් එතකොට නවතම විස්තර ටික එනවා. ඒ වගේම අර Verbatim කියලා තියෙන එක සිලෙක්ට් කළොත්, අපි ඇතුළු කරන කීවර්ඩ් එකට හරියටම අදාළ වෙන, ඒ කීවර්ඩ් එක හරියටම ඇතුළත් වෙන රිසල්ට්ස් තමයි එන්නේ. ඕන නම් තව එහාට ගිහින් setiings වල තියෙන Advance search එක පාවිච්චි කරලා තව ටාගට් කරපු සර්ච් රිසල්ට්ස් ලබාගන්න පුළුවන්. 

 

දැන් ඔය ෆේස් බුක් එකේ එහෙම අපි හෙන වාදවිවාද, තර්ක විතර්ක වල එහෙම පැටලෙනවනේ. අන්න එහෙම පැටලුනාට පස්සේ සමහර වෙලාවට අපිට මොනවා හරි අපි කියන දෙයක් ඩිෆෙන්ඩ් කරන්න මූලාශ්‍ර දෙන්න වෙනවා. එතකොට අර ආධුනික ලෙවල් එකේ උන්දැලා කරන්නේ නිකම්ම ඒ අදාළ කාරණාව සර්ච් කරලා, උඩින්ම එන විකිපීඩියා ලින්ක් එක මූලාශ්‍රයක් විදියට අලෝන එක. හැබැයි සාමාන්‍යයෙන් ඉන්ටර්නෙට් ගැන දන්න කෙනෙකුත් දන්නවා, විකිපීඩියා කියන්නේ විශ්වසනීය මූලාශ්‍රයක් විදියට අඳුනගන්නෙ නැති එකක් කියලා. ඒ නිසා, හැම වෙලේම විශ්වසනීය සහ සුජාතභාවයක් තියෙන මූලාශ්‍ර සර්ච් රිසල්ට් වලින් වෙන් කරගන්න හැකියාවක් ඕන. ඒකට බලන්න පුළුවන් ඒ වෙබ් අඩවියට ඇත්ත ඇඩ්‍රස් එකක් තියෙනවද, ඒකට හොඳ ප්‍රතිචාර ලැබිලා තියෙනවද, දාලා තියෙන කන්ටෙන්ට් වල ස්පෙලින්ග්, ග්‍රැමර් මිස්ටේක් බහුලද, ප්‍රයිවසි පොලිසි එහෙම කොහොමද, URL එක බැලුවහම ෂුවර් කියලා පේනවද වගේ කාරණා. ඕන නම් ඒ වෙබ්සයිට් එකේ නමත් ආයෙමත් ගූග්ල් කරලා බලන්න පුළුවන් පිළිගත් එකක්ද, කවුරුත් දන්නෙ නැති එකක්ද, ෂුවර් නැති එකක්ද කියලා.

 

Saru FM Media

LEAVE A REPLY

Please enter your comment!
Please enter your name here