හොස්ස ලඟින් මැස්සා යන්න බැරි හස්බන්ඩ් කෙනෙක් හරි වයිෆ් කෙනෙක් හරි එක්ක ජීවත් වෙන්නේ කොහොමද? – Saru News Media

0
12

දැන් ඔය කුකුල් කේන්තිකාරයෙක්, හොස්ස ලඟින් මැස්සා යන්න බැරි මනුස්සයෙක් එක්ක ජීවත් වෙනවා කියන එක ලේසි නෑ. මොකද, වෙන කෙනෙක් එක්ක උදේ පාන්දරින් වලියක් දාගත්තත්, ඒක යන්නේ තමන් එක්ක ජීවත් වෙන සැමියා හරි බිරිඳ හරි පිටින් වෙන්න පුළුවන්. එතකොට සැමියා නැතිනම් බිරිඳ කියන කරන ඉතාම සුළු දේකින් වුනත් මහා ගිනිවිජ්ජුම්බරයක් වෙලා ඉවර වෙන්න පුළුවන්. 

 

හරි, ඕනම මනුස්සයෙක්ට කේන්ති යනවා. ඒක වැරැද්දකට වෙන්නත් පුළුවන්, නිවැරැද්දේ වෙන්නත් පුළුවන්. එතකොට එකට ජීවත් වෙන ඕනම කෙනෙක්ට සිද්ධ වෙනවා, තමන්ට කේන්ති යන අවස්ථාවකදී කූල් ඩවුන් වෙන්නේ කොහොමද කියන එක ඉගෙනගන්න වගේම, අනිකාට කේන්ති ගියපු වෙලාවක ඒකත් එක්ක ගනුදෙනු කරන්නේ කොහොමද කියන එකත් ඉගෙනගන්න. හැබැයි ඉතින් ඩේලි බේසිස් පොඩි දේටත් මළ පන්නගන්න මනුස්සයෙක් එක්ක ජීවත් වෙන එක ඊට වෙනස්. ආන්න එතකොට පොඩ්ඩක් විශේෂිත උපාය උපක්‍රම අනුගමනය කරන්න වෙනවා. අපි මේ කියන්න යන්නේ අන්න ඒ වගේ ටැක්ටික්ස් ටිකක් ගැන.

 

මෙන්න මේක ඇත්තටම එකට ජීවත් වෙන්න හෝ විවාහ වෙන්න කලින් කරන්න ඕන දෙයක්. දැන් සමහරු ඉන්නවා තමන්ගේ පාට්නර්ට හරිම ආදරෙයි. හැබැයි කේන්ති ගියහම යකා වැහෙනවා. පාට්නර්ට ඒ කේන්තිය නිසා ශාරීරික අඩන්තේට්ටම් පවා කරන්න පෙළඹෙනවා. මේක ස්වභාවිකද? කිසිසේත්ම නෑ. මේ වගේ කාරණයක් එකට ජීවත් වෙනකොට හරි බැන්දහම හරි විසඳගන්න පුළුවන් කියලා හිතාගෙන එකට ජීවිතයක් පටන් ගන්න එක කරන්න පුළුවන් මෝඩම වැඩක්. ආදරේ කොයි තරම් තිබුණත් වැඩක් නැහැ, මේ වගේ අවස්ථාවක. හැබැයි මෙහෙම කේන්ති යන පාට්නර්ට අවංකවම තමන්ගේ කේන්ති යන පුරුද්දෙන් මිදෙන්න අවශ්‍යතාවයක් තියෙනවා නම්, ඒකට උපරිම සහයෝගය දීලා එකට ඉන්න පුළුවන්. හැබැයි පාට්නර් තමන්ට එහෙම ප්‍රශ්නයක් තියෙනවා කියලා පිළිගන්නෙත් නැතිනම්, නිතර කේන්ති යෑම සීරියස් ප්‍රශ්නයක් නම්, මුලින්ම තක්සේරු කරන්න ඕන ආදරේ නාමයෙන් තමන්ට එකට ජීවත් වෙන්න පුළුවන්ද කියලා. එහෙම බැරි නම් ඉතින් කොයි තරම් ආදරේ වුනත් කරන්න දෙයක් නෑ, වෙනත් විසඳුමකට යන්න වෙනවා.

 

හරි, දැන් එහෙම නැතුව දෙන්නා එකට ඉන්නවා නම්, පාට්නර්ට  යකාට වගේ කේන්ති යනවා නම්, අනිකා ඉගෙන ගන්න ඕන තමන් ඒ වෙලාවට ෆයර් නොවී ඉන්න. සමහර වෙලාවට අනිකා තමන් නොකළ වැරැද්දකට කේන්ති ගන්නවා නම් හරි, සුළු වැරැද්දකට අධිකව කේන්ති ගන්නවා නම් හරි, තමන්ටත් කේන්ති යන එක ස්වභාවිකයි. හැබැයි තමන්ට එහෙම අධිකව කේන්ති යන ප්‍රශ්නයක් නැහැනේ. ආන්න ඒ නිසා මේ වෙලාවේ බුද්ධියට තැන දීලා, තමන් කූල් ඩවුන් වෙන්න ඕන. නැතිනම් තමන්ටත් කේන්ති ගිහින් මාරාන්තික යුද්ධයක් එතන ඇවිලුනහම වැඩේ තව අමාරුයි.

 

අන්න ඒ නිසා කේන්තිකාරයා කූල් ඩවුන් වෙනකල් ඉවසිල්ලෙන් ඉන්න එක තමයි හොඳම දේ.

 

මේක කුකුල් කේන්තිකාරයොත් එක්ක ජීවත් වෙන සහකරුවෝ හෝ සහකාරියෝ කරන්න යන වැරැද්දක්. ඒ තමයි යාප්පුවෙන් ජීවත් වෙන්න හදන එක. ඒ කියන්නේ, එයාට කොයි තරම් කේන්ති ගියත් ඒක ෂේප් කරලා, ඔයා ෂෝක් ලෙවල් එකෙන් ඉන්න හදන එක. ගොඩක් වෙලාවට එහෙම කරන්නේ තමන්ගේ යුගදිවිය බේරාගන්න ඕන කියන අදහසින් වෙන්න පුළුවන්. හැබැයි ඒකෙන් වෙන්නේ අර කුකුල් කේන්තිකාරයාට තමන්ගේ අවුල හදාගන්න උදවුවක් ලැබෙන එක නෙවෙයි. ඒ වෙනුවට, තමන් අධික ලෙස කේන්ති ගන්න එක ගැටළුවක් නොවේය කියන එක, සමහර වෙලාවට තමන්ට එහෙම කේන්ති ගන්න අයිතියක් තියෙනවාය කියන එක ගොඩනැගීම මේ යාප්පුවෙන් ජීවත් වීමෙන් සිද්ධ වෙන්න පුළුවන්.

 

Saru FM Media

LEAVE A REPLY

Please enter your comment!
Please enter your name here