ජොයිස් කැරොල් වින්සන්ට් එක්සත් රාජධානියේ ලන්ඩනයේ, මහල් නිවාසයක ජීවත් වුණා. 2006 ජනවාරි 5 වැනිදා ඇයගේ මහල් නිවාසයට පැමිණි නිලධාරීන්ට අවශ්‍ය වූයේ දීර්ඝ කාලයක් කුලිය නොගෙවීම නිසා එය නැවත පවරා ගැනීමටයි. කෙසේ වෙතත්, ඔවුන්ට දකින්නට ලැබුණේ ඇගේ මල සිරුරයි.ඇය 2003 දෙසැම්බර් මාසයේදී මිය ගිය බව ගණන් බලා තිබෙනවා
අසල්වැසියන් ඇයව ඇත්තටම දැන සිටියේ නැහැ. එබැවින් ඇය නොමැති බව ඇත්ත වශයෙන්ම ඔවුන්ට දැනුණේ නෑ. හඳුනාගත හැකි එකම දෙය නරක ගඳක් වන අතර එය මහල් නිවාසයට පහළින් ඇති කුණු බඳුන් වලට ආරෝපණය කරන්නට අසල්වැසියන් කටයුතු කරා.
ඇගේ දේහය බොහෝ දුරට අස්ථි සහිත වූ නිසා ඇයව හඳුනා ගැනීමට හැකි වූයේ දන්ත වෛද්‍ය වාර්තාවලින් පමණයි. අපරාධ පරීක්‍ෂණයකින් පසු ඇය ස්වභාවික හේතූන් මත මිය ගිය බව පොලිසිය ප්‍රකාශ කළත් මරණයට හේතුව තීරණය කිරීමට බොහෝ කාලයක් ගත වුණා.වින්සන්ට් ඇදුම රෝගයෙන් පෙළුණු බව වාර්තා වන අතර ඇයට හදිසි අසනීප තත්ත්වක් ඇති වන්නට ඇතැයි අනුමාන කෙරෙනවා.
මෙය අපරාධ ගණයට වැටෙන්නේ නෑ.
නමුත් ප්‍රශ්නයක් පමණක් ඉතිරිව තිබෙනවා.යමෙකු මිය ගොස් වසර දෙකක් වෙනතුරු කිසිවෙකු නොදකින්නේ කෙසේද?
කිසිවෙකු මියයාම අතිශය සාමාන්‍ය වුණත් වසර ගණනාවක් තිස්සේ නොදැනුවත්ව සිටීම බොහෝ අභව්‍ය දෙයක්, නමුත් ජොයිස් වින්සන්ට් අභාවප්‍රාප්ත වූ බව කිසිවෙකු දැන නොසිටි බව විශේෂයෙන් අමුතු දෙයක්. ඇය 38 හැවිරිදි වියේ පසුවූවා, ඇය ඇගේ ජීවිතයේ වැඩි කාලයක් රැකියාවල නිරත වූ කාන්තාවක්. ඇයට පවුලේ අය සහ මිතුරන් සිටි අතර, මත්ද්‍රව්‍ය හෝ නීතිමය ගැටලුවක සිර වී හිඳ නෑ
ප්‍රවෘත්ති හරහා වින්සන්ට් ගැන කියවූ චිත්‍රපට නිෂ්පාදකවරියක් වන කැරොල් මෝර්ලි එම කතාවෙන් කෙතරම් ව්‍යාකූල වූවාද කිවහොත් ඇය ජීවිතය පිළිබඳ සිහින නමින් වාර්තා චිත්‍රපටයක් කිරීමට තීරණය කළා. ඇය වින්සන්ට්ගේ හිටපු පෙම්වතුන් සහ ඇගේ අභිරහස් මරණය පිළිබඳව යම් විස්තර ලබා දිය හැකි පැරණි සගයන් වැනි පුද්ගලයින් සොයා ගත්තා.
1965 ඔක්තෝම්බර් 19 වෙනිදා ලන්ඩනයේ හැමර්ස්මිත් දිස්ත්‍රික්කයේ උපත ලද ජොයිස් කැරොල් වින්සන්ට් 2001 දී හේතුවක් නොදක්වා ඉවත් වන තෙක් විශාල ගිණුම්කරණ සමාගමක් වන අර්නස්ට් ඇන්ඩ් යන්ග් හි සේවය කර තිබුණා. ඇගේ ඉවත්වීමට හේතු කිසිවෙක් හරියට දන්නේ නෑ.
Glasgow Herald හි ලිපියක් වාර්තා කළේ මිතුරන් ඇයව වර්ග කර ඇත්තේ “සගයකු සමඟ ගැටුනහොත් රැකියාවෙන් ඉවත් වූ සහ ලන්ඩනය පුරා එක් මහල් නිවාසයක සිට ඊළඟ මහල් නිවාසයට ගිය තැනැත්තියක් ලෙට. ඇය තම සහෝදරියගේ දුරකථන ඇමතුම්වලට පිළිතුරු නොදුන් අතර ඇයගේම මිතුරු කවයක් ඇති බවක් පෙනෙන්නට තිබී ද නෑ, ඒ වෙනුවට නව පෙම්වතෙකුගේ, සගයෙකුගේ හෝ සාපේක්ෂ ආගන්තුකයන්ගේ සමාගම මත විශ්වාසය තැබූ අයෙකු ලෙස ඇයව හඳුන්වනවා.
පවුල සම්බන්ධයෙන් ගත් කල, ඇය සහෝදරියන් පස් දෙනෙකුගෙන් බාලයා වූ නමුත් එක්සත් රාජධානියේ ජීවත් වන එකම තැනැත්තා වුණා. ඇගේ පියා වඩු කාර්මිකයෙකු ලෙස සේවය කළ අතර ඇගේ මව ඇය කුඩා කාලයේදීම මිය ගියා.
මෙතරම් තාක්ෂණය දියුණු කාලයේ කෙනෙකු ගැන දෙවසරක් තිස්සේ නොසොයා සිටීම ඇත්තටම විය නොහැක්කක්. නමුත් තමන්ගේ මිතුරු සමාජය සහ පවුල අත හැර දමන අයව සෙවීමත් උගහට බව සත්‍යයක්
මේ දුක්බර සහ අමුතු කතාව අවසන් කරන්නට පෙර ඉතා සංවේදී යමක් ලියා තබන්නට හිතුණා. ඇය මිය ගොස් තිබුණේ රූපවාහිනිය නරඹන අතර. ඇගේ සිරුර සොයා ගන්නා විට ද එය ක්‍රියාත්මකව පැවති බව කියැවෙනවා.
කිසිවෙකුත් නොආ නිවසක වසර දෙකකට අධික කාලයක් මළ සිරුරක් තිබියදී ඒ මළ සිරුරට තනි රැක තිබෙන්නේ රූපවාහිනියක්.
ජීවිතය මොනතරම් අමුතු තැනක් ද?
Saru FM Media
