පොකට් කැමරාවක් රැගෙන ෆොටෝ ගහනවාට වඩා ඒ වැඩෙත් ෆෝන් එකෙන්ම කරගන්නට දැන් අපිට පුළුවනි. විශාලතර වෘත්තීයමය කැමරා තරම්ම තියුණු නොවූවත්, සැලකිය යුතු මට්ටමේ සාර්ථක ඡායාරූපයක් ලබාගන්නට අද දවසේ තිබෙන ස්මාට්ෆෝන් අපිට උපකාර කරනවා. ස්මාට් ෆෝන් කියන්නේ පසුගිය දශකයක කාලසීමාව තුළ වේගයෙන්ම දියුණු වූ තාක්ෂණික අංගයක්. මුල් කාලයේදී යාන්තම් සේයාවක් පමණක් ලබා දුන්නත්, අද වනවිට ෆෝන් කැමරාව තරමක වෘත්තීයමය වැඩකට වුවත් යොදාගන්නට පුලුවන් කැමරාවක් බවට පත් වෙලා…
අපි ෆොටෝවක් හොඳද නරකද කියා බලන්නේ මූලිකව ඇස් දෙකෙන් එය නැරඹීමෙන්. ඇතැම් විට ඉතා ඉහළ තාක්ෂණයන් යටතේ නමගිය සමාගම් වල ආධාර උපකාර ඇතිව ෆෝන් කැමරාව නිම වුවත්, ඒ සෑම අවස්ථාවකදීම කැමරාවෙන් එන ෆොටෝ වල අගය වැඩිවන්නේ නැහැ. මාකස් බ්‍රවුන්ලී ගේ අලුත්ම වීඩියෝව හරහා ඉතා උසස් කැමරාවක් ඇතැයි කියා උදම් අනන හුවාවේ P20 වලට වඩා ඇපල් සහ ගූගල් පික්සල් හි කැමරා ඉදිරියෙන් ඇති බව පෙන්නුම් කරනවා.
චීනයේ නිපදවෙන හුවාවේ චීනයේදී දෙවනි වන්නේ සුප්‍රකට සයෝමි (Xiaomi) සමාගමේ ස්මාට්ෆෝන් වෙළඳපොළට පමණයි. හුවාවේ මගින් සුපිරි පහසුකම් තිබෙන ස්මාට්ෆෝන් අපේ අතේ ඇති මුදලට ලබාගත හැකියි. හුවාවේ සමාගමේ අලුත්ම P20, කැමරා පහසුකම ගැන අලුත්ම මානයකින් සිතූ කැමරා ෆෝන් එකක්. මේ P20 කැමරාවේ ප්‍රධාන කැමරාව සිදුරු තුනකින් පැමිණෙනවා. ඒ කියන්නේ මූලික කැමරාව වස්තුවෙන් එන ආලෝකය සිදුරු තුනක් හරහා ෆෝන් එක තුළට ලබාගෙන ෆොටෝ එකක් ජෙනරේට් කරනවා. මේ හරහා විශාලන අගය මෙගාපික්සල් 40ක් තරම් ඉහළ අගයක ෆොටෝ ලබාගන්නට හුවාවේ P20 හරහා හැකියාව ලැබී තිබෙනවා.
නෝවා 2 අයි කියන්නේ ලංකාවේ මැද මට්ටමේ අය අතරත් ජනප්‍රියම හුවාවේ ෆෝන් එකක්. අඟල් 6ක ස්ක්‍රීන් එකකින් එන හුවාවේ නෝවා 2 අයි හි ඉදිරිපස සෙල්ෆි කැමරාවටද කැමරා දෙකක් එනවා. ඒ අනුව සෙල්ෆියකිනුත් මූලික කැමරාවේ වගේම සරු ෆොටෝවක් ලබාදෙනවා හුවාවේ නෝවා 2 අයි වලදී. ලංකාවේ දී රු 30,000ත් 40,000ත් අතර මිලකට මිලදී ගත හැකි හුවාවේ නෝවා 2 අයි ජනප්‍රිය වන්නට එහි සුපිරි කැමරාව ද හේතුවක් වුනා.
සැම්සුන් ගැලක්සි කියන්නේ සෑම කාලයකදීම ඇපල් ස්මාට්ෆෝනයට පසුව ජනප්‍රියතම ස්මාට්ෆෝනයක් බවට පත් වූ ෆෝන් එකක්. ගැලක්සි S9, S9+ හි ඇති ස්ලෝමෝෂන් විශේෂාංගය බොහෝ ගැලක්සි හිතවතුන් සතුටට පත් කල විශේෂාංගයක් වුනා. සැම්සුන් ගැලක්සි S9+ කියන්නේ සැම්සුන් පරම්පරාවේ තිබෙන ඉහළම ස්මාට්ෆෝනය. ඉතිං සාමාන්‍යයෙන් නූතන ෆෝන් කැමරාවක තිබෙන සියලුම විශේෂාංග පාහේ සැම්සුන් ගැලක්සි S9 සහ S9+ වලට ඇතුළත් වෙනවා.
Saru FM Media
