Father's Day එකට තාත්තලාට දෙන්න පුළුවන් හොඳම තෑගි – Saru News Media

0
14

ඔන්න පියවරුන්ගේ දිනය ළඟ ලඟම එනවා. ලෝකෙ එක එක රටවල් එක එක දවස් වලදි මේ පියවරුන්ගේ දිනය සැමරුවට ලංකාව ඇතුළු වැඩිම රටවල් ප්‍රමාණයක් පියවරුන්ගේ දිනය සමරන්නෙ මේ එන 21 වෙනිදා. ඒ කිව්වෙ ජූනි මාසෙ 21 වෙනි ඉරිදා. ඉතින් මුළු ලෝකෙම ඉන්න තාත්තලට, තාත්තලගේ හිතේ තියෙන මහමෙරක් තරම් ආදරේට උපහාරයක් විදිහට සමරන මේ පියවරුන්ගේ දිනයෙදි ගෙදර ඉන්න අපේ තාත්තවත් අපිට අමතක කරන්න බැහැනෙ. මේ පියවරුන්ගේ දිනයෙදි තාත්තව සතුටු කරන්න, පුදුම කරන්න දෙන්න පුළුවන් තෑගි ගැනයි මේ කතාව. හැමදාම අපිට අඩුවක් නැතුව ආදරේ දෙන, දුකක් නොදී අපිව බලාගන්න අපේ තාත්තට මේ පුංචි තෑග්ගක් දීලා අමතක නොවෙන සතුටක් ලබාදෙමු ඔන්න එදාට. 

 

 

 

මේ වැඩේ හුඟක්ම හොඳ අවුරුදු 7කට 8කට වඩා අඩු පොඩි ළමයි ඉන්න ගෙදරකට තමයි. තමන්ගේ වයසට අනුව පුළුවන් විදිහේ නිර්මාණයක්, චිත්‍රයක්, එහෙමත් නැත්තම් පුංචි බබාගෙ අතින් ඇඳපු බලි කුරුට්ටක් හරි කමක් නෑ ලස්සන සුභ පැතුමක් විදිහට හදලා බබාගෙම අත් අකුරෙන් හරි, අම්මට කියල හරි බබාගෙ ආදරේ කොච්චරද කියලා ලියල පියවරුන්ගේ දිනයේ උදෙන්ම තාත්තගෙ අතට දුන්නම කොච්චරනම් සතුටු හිතේවිද ඉතින්. හැමදාමත් පරිස්සමට අරන් තියාගන්න ජාතියෙ ලස්සන තෑග්ගක් තමයි ඒ.  

 

 

 

මේකත් හොඳයි පොඩි ළමයි ඉන්න පවුලක අම්ම කෙනෙකුගෙන් තාත්තට දෙන්න. ලොකු ළමයි ඉන්න පවුලක් උනත් කමක් නැහැ. ඒත් පොඩි බබාලා ඉන්න වැඩට යන තාත්තෙක්ටනම් වැඩිපුරම වටීවි. පවුලේ හැමෝගෙම එක එක අවස්ථාවන් වලදී ගත්ත පින්තූර එකතු කරලා, ලස්සන වැකියකුත් එක්ක තාත්තට සුභ පතලා ඔෆිස් එකේ මේසෙ උඩ තියාගන්න පුළුවන් විදිහේ පින්තුරයක් රාමු කරලා දෙන්න. ආඩම්බරෙන් ඔෆිස් එකේ යාළුවන්ට පෙන්නන්නත් පුළුවන්නේ.

 

 

 

Saru FM Media

LEAVE A REPLY

Please enter your comment!
Please enter your name here