භෞතික විද්‍යාව, දර්ශනය සහ දේශපාලන විශ්ලේෂණ ක්ෂේත්‍රවල කැපී පෙනෙන චරිතයක් වූ ආචාර්ය නලින් ද සිල්වා මහතා ඇමරිකාවේ සිටියදී අභාවප්‍රාප්ත වූයේ 79 වන වියේදීය. ඔහු මැයි 1 වන දින එක්සත් ජනපදයේ තම පුතා බැලීමට ගොස් සිටියදී මිය ගියේය. ඔහුගේ දේහය පිළිබඳ අවසන් කටයුතු පවුලේ අයගේ කැමැත්ත පරිදි හෙට පස්වරු 1.00 ට ඇමරිකාවේදී සිදුකිරීමට නියමිතයි.
මේ අතර ශ්‍රී ලංකාවේදීද ඔහු සමරා පුණ්‍ය කටයුතු සිදුවේ. මහා සංඝරත්නය හෙට පස්වරු 3.00 ට සමස්ත ලංකා බෞද්ධ මහා සම්මේලනයේදී ආගමික වතාවත් සිදුකිරීමට නියමිතයි. මෙම උත්සවය සංවිධානය කරනු ලබන්නේ කොළඹ 7, ධර්මායතනයේ විහාරාධිපති පූජ්‍ය ධම්මාලංකාර හිමි විසිනි. ඇල්ලේ ගුණවංශ හිමි සහ චින්තන පර්ෂදයේ සභාපති පූජ්‍ය පූජ්‍ය. බෙංගමුවේ නාලක හිමිද එක්වන අතර අග්‍රාමාත්‍ය දිනේෂ් ගුණවර්ධන මහතා ද හෙට මෙම උත්සවයට සහභාගී වීමට නියමිතයි.
Saru FM Media
