මෙරට පුද්ගලික අංශයේ සමාගමක් විසින් සිදුකරනු ලබන විශාලතම ආයෝජනය ලෙසින් සැලකෙන කොළඹ Cinnamon Life Integrated Resort මිශ්‍ර ව්‍යාපෘතියෙහි ප්‍රධාන ආයෝජකයා වන ජෝන් කීල්ස් හෝල්ඩිංග්ස් පීඑල්සී සමඟින් Melco Resorts & Entertainment Limited සහයෝගීතාවයකට එළඹි බව නිවේදනය කර සිටී.
ඒ අනුව Cinnamon Life Integrated මිශ්‍ර ව්‍යාපෘතියෙහි Gaming පහසුකම් මෙහෙයුම්කරු ලෙස Melco කටයුතු කරනු ඇත.
Melco යනු Macau, Philippines සහ Cyprus යන රටවල ජාත්‍යන්තර වශයෙන් කීර්තිමත් නිවාඩු නිකේතන සහිත ලොව ප්‍රමුඛතම කැසිනෝ සහ ක්‍රීඩා පහසුකම් ක්‍රියාකරුවෙකි. මේ අතර ජෝන් කීල්ස් හෝල්ඩිංග්ස් පවසන්නේ Melco හි පූර්ණ අනුබද්ධිත දේශීය සමාගමක් වෙත ශ්‍රී ලංකා රජය විසින් වසර 20 ක කාලයක් සඳහා ක්‍රියාත්මක වීම වෙනුවෙන් කැසිනෝ බලපත්‍රයක් ලබා දී ඇති බවයි.
ජෝන් කීල්ස් සහ Melco මෙම නව සහයෝගීත්වයත් සමඟම මෙතෙක් ‘Cinnamon Life Integrated Resort’ ලෙසින් හඳුන්වනු ලැබූ මෙම ව්‍යාපෘතිය ‘City of Dreams Sri Lanka’ වෙනුවෙන් නව නාමකරණයකට ලක්කර තිබේ.
ඩොලර් බිලියනයක් ඉක්මවූ ආයෝජනයක් වන මෙම ව්‍යාපෘතිය තුළ කැසිනෝ සහ අනෙකුත් ක්‍රීඩා පහසුකම් ස්ථාපනය සඳහා මූලික වශයෙන් ඩොලර් මිලියන 125 ක පමණ ආයෝජනයක් සිදුකිරීමට Melco බලාපොරොත්තු වේ.
Saru FM Media
