ලංකා බැංකුව මහජන බැංකුව ඇතුළු රාජ්‍ය බැංකු වලින් බිලියන ගණන් ණයට ගෙන ඒ බැංකු වලට පොලු තැබූ ඇමතිවරුන්, ව්‍යාපාරිකයන් සිටින බවත් ඔවුන් මහා ධන කුවේරයන් සහ මහා ව්‍යවසායදායකයින් ලෙස හැසිරෙමින් සිටින බවත් ඔවුන්ගේ නම් ඉල්ලා සිටියත් ඒවා ප්‍රසිද්ධ කිරීමට ඉඩ නොදෙන බව ද එක්සත් ජනරජ පෙරමුණේ නායක පාඨලී චම්පික රණවක පවසනවා.
ඔහු මේ බව පවසා සිටියේ එක්සත් ජනරජ පෙරමුණ ප්‍රධාන කාර්යාලයේ පැවති මාධ්‍ය හමුවකට එක්වෙමිනි.
අද වන විට ලංකාවේ සමාජ පාතාලයට අමතරව දේශපාලන පාතාලයක් ද පවතින බවත්, තමන් කළ ප්‍රකාශයක් සම්බන්ධයෙන් ද ප්‍රකාශයක් ගැනීමට රහස් පොලීසියට කැඳ වූ බවත් එහිදී ‘ඉදිරි ජනාධිපතිවරණය කිට්ටු වෙනකොට යම් යම් ප්‍රචණ්ඩ ක්‍රියා සිදුවීමට ඉඩ ඇතැ’යි කළ ප්‍රකාශය ගැන ත්‍රස්තවාදය වැළැක්වීමේ පනත යටතේ තාමගෙන් ප්‍රශ්න කළ බව ඔහු පවසා සිටියා.
එහෙත් තමන් දේශපාලන පුරෝකථනයක් සිදු කළ බව 2005 පහ මැතිවරණයේදී කොටින්ට මුදල් ලබාදී මහින්ද රාජපක්ෂ මහතා ඇතුළු පිරිස ඡන්ද ප්‍රතිඵල වෙනස් කිරීමට කටයුතු කළ බව ද පාඨලී චම්පික රණවක මහතා එහිදී පවසා තිබෙනවා.
පාස්කු ප්‍රහාරය වළක්වා ගැනීමට කටයුතු නොකිරීම හේතුවෙන් චෝදනා ලද පහළොස් දෙනෙක් සිටින බව ද නිශ්චිත තොරතුර දැනගෙනත් ක්‍රියාමාර්ගයක් නොගත් නිසා ඔවුන්ට විරුද්ධ විනය පරීක්ෂණ පැවැත්විය යුතු බවත් අනිත් අය සඳහා අපරාධ නඩු යටතේ කටයුතු කළ යුතු බව ද ඔහු වැඩි දුරටත් සදහන් කර සිටියා.
තවද ඒ සඳහා පියවර නොගෙන පොලිස් ඇමති ගේ මතයට අනුව පුද්ගලික හමුදාවක් විදියට හැසිරීමට තමන් විරුද්ධ බව ද ඒ මහතා සඳහන් කර සිටියේ.
විදේශ ණය ප්‍රතිව්‍යුහගත කොට, විදේශිකයන්ට ණය ආපසු ගෙවීම නොගෙවීම නිසා රටට ලැබීමට ඇති සංවර්ධන ආධාර මුළුමනින්ම නතර වෙන තත්වයක් ඇතිවන බව එක්සත් ජනරජ පෙරමුණේ නායක පාඨලී චම්පික රණවක වැඩිදුරටත් පවසා සිටියේ.
Saru FM Media
