පහුගිය සති කීපයක් තිස්සේ මේ ඉන්දියාවේ ප්‍රාන්ත පිළිබඳව කෙටි සටහන් අපි ඔබ වෙත ගෙන ආවා. අද අපි ඉන්දියාවේ ප්‍රාන්ත පිළිබඳව ඔබව දැනුවත් කරලා ඉවර කරනවා. හැබැයි මේ ලිපි පෙළ නම් තව සතියක් හෝ දෙකක් ඉදිරියට ඇදෙයි. දැන් ඔබ කල්පනා කරනවා ඇති ඇයි අපි මේ ප්‍රාන්ත ගැන තොරතුරු කියවලා ඉවර කරනවයි කියලා නැවතත් ලිපි පෙළ ඉදිරියට ගෙනියන්නේ කියලා. ඒකට හේතුව ඉදිරි ලිපිවලින්ම අපි ඔබට පැහැදිළි කරන්නම්. එහෙමනම් අපි ප්‍රාන්ත ගැන තොරතුරු දැනගමු.
මේ ප්‍රාන්තය අතීතයේ දී ස්වාධීන රාජධානියක් ලෙස පැවතුණා. ඉන්දියාව නිදහස ලබා ගැනීමෙන් පසුව වුවත් ඔවුන් තමන්ගේ ස්වාධීනත්වය ආරක්ෂා කර ගැනීමට සමත් වූවත් 1973 දී ඇතිවූ රාජ්‍ය විරෝධී කැරළි මර්දනය කිරීම සඳහා පැමිණි ඉන්දීය හමුදාව විසින් පවත්වන ලද ජනමත විචාරණයකින් අනතුරුව එය ඉන්දියාවේ ප්‍රාන්තයක් බවට පත් වුණා. හිමාල කඳු පන්තිය ආශ්‍රිතව පිහිටා තිබෙන ඉන්දීය ප්‍රාන්ත අතරින් වැඩිම සාක්ෂරතාවක් හිමිකරගෙන තිබෙන ප්‍රාන්තය වන්නේ ද මෙම ප්‍රාන්තයයි.
සමස්ත ඉන්දියාවටමත් වඩා අපේ රටේ දේශපාලනයට වැඩිම බලපෑමක් එල්ල කරන ප්‍රාන්තය වන්නේ තමිල්නාඩු ප්‍රාන්තයයි. චෝල, පාණ්ඩ්‍ය, චේර වැනි අධිරාජ්‍යවලට අතීතයේදී නිවහනක් වූ තමිල්නාඩුවෙන් වැඩි කොටසක් ඉන්දියාව වෙත ඉංග්‍රීසින් පැමිණෙන විට මයිසෝර් රාජධානිය යටතේ පැවතුණා. තමිල්නාඩුවේ බහුතර ජනතාව අන්ත දිළිඳු තත්ත්වයේ සිටියත් ඉන්දියාවේ විශාලතම ආර්ථිකය හිමි ප්‍රාන්ත අතරින් දෙවැනි ස්ථානය ලබා ගන්නේද තමිල්නාඩුවමයි.
Saru FM Media
