තමන් සංචාරක අමාත්‍ය ධූරයෙන් ඉල්ලා අස්වන බව සඳහන් කරමින් සමාජ මාධ්‍ය ඔස්සේ සංසරණය වන ලිපිය අසත්‍ය ලිපියක් බව අමාත්‍ය හරීන් ප්‍රනාන්දු පවසනවා.
සිය x ගිණුමේ සටහනක් තබමින් අමාත්‍යවරයා පවසා ඇත්තේ සංචාරක වීසා ගාස්තු වැඩිකිරීම සම්බන්ධයෙන් කැබිනට් මණ්ඩලයේදී සිය අදහස් ප්‍රකාශ කළද එවැනි ඉල්ලා අස්වීමේ ලිපියක් ජනාධිපතිවරයා වෙත යොමු නොකළ බවයි.
එමෙන්ම එම ලිපියේ සඳහන් දිනය මීට මාසයකට පෙර දිනයක් බවද අමාත්‍ය හරීන් ප්‍රනාන්දු සිය ඞ ගිණුමේ සටහන් කර තිබෙනවා.
මේ සම්බන්ධයෙන් අමාත්‍යවරයාගේ මාධ්‍ය ලේකම්වරයාගෙන්ද නෙත් නිවුස් කරුණු විමසීමක් කළ අතර ඔහුද තහවුරු කළේ අමාත්‍ය හරීන් ප්‍රනාන්දු එවැනි ඉල්ලා අස්වීමේ ලිපියක් යොමු කර නොමැති බවයි.
Saru FM Media
