දරුවෙකු නුහුරට, ඒ කියන්නේ අයහපත් හැසිරීම් වලට ගියාම දරුවා තුළින් පෙන්වන්නේ මිනිසාගේ පරණ ඥාතීන්ගේ ගතිගුණ. ඔවුන් එවිට කලහකාරී වෙනවා, සද්දේ වැඩි කරනවා, දෙමාපියන් හෝ භාරකාරයින් අකමැති දේවල්ම කරනවා. ඉතින් ඒ වගේ අවස්ථාවලදි ඒ වෙලාවට විතරක්ම අපිට දරුවා ගොඩදාන්න බැහැ. ඉතින් දරුවන් රැකබලා ගැනීමේදී ඒ විදිහේ නරක හැසිරීම් වලින් දරුවා ගලවගන්න අපිට අනුගමනය කරන්න පුළුවන් දේවල් කිහිපයක් අපි බලමු.
දරුවන් හානි කරන ප්‍රධාන දේවල් දෙකක් තියෙනවා. එකක් තමයි අපේ දේපල ආදිය. අනෙක තමයි අපේ සම්බන්ධතා වලට. මේ දෙකේදිම යම් හානියක් වෙනවා. උදාහරණ විදිහට දරුවෙක් ඥාති ගෙදරක ගිහින් යම් කලබගෑනියක් කළාම අපිට ඒක පිළිසකර කරගන්න නැවත ඒ අය එක්ක ගනුදෙනු කරන මට්ටමට හදාගන්න වෙනවා. ඒ තැන්වලදි දරුවා නැවත කලබල කරයි කියලා නැවත ඔහුව එක්කරං යන්නේ නැතුව ඉන්න හොඳ නැහැ. දරුවා විසින් සිදු කරන ලද බිඳ දැමීම්, කඩා දැමීම් හෝ නිවස හැඩි කිරීම් වගේ දේවල් වලදි ඒවා නැවත සකස් කරගන්න දරුවාගේ උදව් ගන්න පුළුවන් නම්, එවිට දරුවා කරපු දේවල බරපතලකම දරුවාටම තේරෙන්න ගන්නවා.
දරුවා කැමති දේවල් තියෙනවා ඒ වගේම ඔහු අකමැති දේවල් තියෙනවා. යම් වැරදි දෙයක් සිදුවූ පසු ඒ සම්බන්ධව තිබෙන වැරදි පසුබිමත් අපි අධ්‍යයනය කරන්නට ඕනි. ටිකක් වැඩුණු දරුවෙක් නම් ඔහු ඇසුරු කරන වැඩිහිටියන් සහ මිතුරන්ගෙන් ඔහුගේ හැසිරීමට රුකුල් ලැබෙනවා. දරුවා දිගින් දිගටම පාසැල් වැඩ මගහැරීම්, වීඩියෝ ක්‍රීඩා වලට යොමු වීම්, පාසැලෙන් පැනීම් වැනි දේවල නිරත වෙනවා නම් දරුවා ඇසුරු කරන අය ගැන සොයාබලා ඒ පරිසරය මාරු කරන්නට පුළුවන් නම් හොඳයි.
ඥාති කෙනෙක්ගේ නිවසට ගිය විට, යම් තැනකට පිටින් කන්න ගිය විට ආදී අවස්ථාවලදී දරුවන් කලබල කරන අවස්ථා තියෙනවා. හැම දරුවම නොවුණත් කඩයකට ගිය තැන් පටන් යම් යම් දේ ඇරන් ඉල්ලන දරුවන් ඉන්නවා. ඒ වගේ වෙලාවට සාම්ප්‍රදායික දෙමාපියන් විදිහට තරහ අරගෙන දරුවාට බැනීම හෝ ගැසීමට යෑම තේරුමක් නැහැ. මන්ද ඇතැම් විට අපි කරන දඬුවම් ඒ පුංචි සිත් වලට අපි හිතන විදිහට දැනෙන්නේ නැහැ. කුඩා ළමයි ඉන් පසු ඒ අවස්ථා ගැන අනවශ්‍ය ලෙස බියට පත් වෙනවා. ඒ නිසා බස් රියක යන ආකාරය, කඩයකට ගොස් බඩු ගන්න විට, තැනකට ගොස් කනකොට හැසිරෙන්න ඕනි හොඳ විදිහ ගැන දරුවා දැනුවත් කර තැබීම හොඳයි.
Saru FM Media
