එළඹෙන ජූලි මස පළමුවැනිදා ආරම්භවීමට නියමිත ලංකා ප්‍රිමියර් ලීග් පන්දුවාර20 තරගාවලියේ ක්‍රීඩක ලියාපදිංචි ලැයිස්තුවට ක්‍රීඩකයන් 500කට අධික සංඛ්‍යාවක් ඇතුළත්වී ඇති බව ශ්‍රී ලංකා ක්‍රිකට් ආයතනය නිවේදනයක් නිකුත් කරමින් පවසා සිටියි.තරගාවලියේ 5වැනි අදියර ලෙසින් පැවැත්වෙන මෙම තරගාවලියට විදෙස් නමගිය ක්‍රීඩකයන් රැසක් මේ වන විට ඇතුළත් වී ඇති බව ක්‍රිකට් ආයතනය දන්වා සිටියි.
එහිදී ඔස්ට්‍රේලියාව, දකුණු අප්‍රිකාව ඇතුළු ක්‍රිකට් ක්‍රීඩා කරන රටවල් 24කින් ක්‍රීඩකයන් මේ සඳහා ලියාපදිංචි වී සිටීම විශේෂත්වයකි.මීට නවසීලන්තයේ ප්‍රබල විස්සයි20 ක්‍රීඩකයත් වන ටිම් සවුති, ජිමී තීම්, ඉෂ් සෝදි, මාක් චැප්මන් වැනි ක්‍රීඩකයන්ද, ෂේහෝප්, එවින් ලුවිස්, ඇන්ඩ්‍රො ෆ්ලෙචර් වැනි කොදෙව් ක්‍රීඩකයන්ද, එංගලන්තයෙන් ඊස්ටොප්ලි හා ඇෆ්ගනිස්ථානයෙන් ඊබුහිමි සෆ්‍රාන්ද මීට ඇතුළත් වී ඇත.
මේ අතර බංග්ලාදේශයෙන්ද , මුස්ෆිකර් රහීම්, ටමීම් ඉක්බාල්, නර්මුල් හොසේත් පන්තෝ හා ටස්කින් අහ්මඩ් වැනි ක්‍රීඩකයන් රැසක්මෙයට ලියාපදිංචි වී ඇත. මේ අතර විස්සයි20 පිටියේ ප්‍රබල කණ්ඩායම් වන ඔස්ට්‍රේලියාවෙන් උස්මාන් කවාපාද, දකුණු අප්‍රිකාවෙන් ටැබ්‍රේස් සි, රසී වැන්ඩ ඩුසෙත්, රයිලි රූසෝ, පාකිස්තානයෙන් නසීම් ෂා ද මීට ඇතුළත්වූ ක්‍රීඩකයන්වෙයි. එල්. පී.එල්. ක්‍රිකට් තරගාවලියේ පස්වැනි අදියර එළඹෙන ජූලි පළමුවැනිදා සිට 29වැනිදා දක්වා ශ්‍රී ලංකාවේ පැවැත්වේ.
Saru FM Media
