280
සබඳතා වලදී මූලිකව, ආදරය, ප්‍රේමය සම්බන්ධ ඒවා පවුලේ අය, මිතුරන්-හිතවතුන් සහ අනිකුත් සියලු ගණයේ සබදතා අදාලයි හොදද..
ගෑණු ළමයෙක් උනාම මේක විශේෂයි. ඇයි ? සබදතාවයක මූලික දේවල් හැමදේම වගේ බලාපොරොත්තු වෙන්නෙ ගෑණු පාර්ශවයෙන් නිසා. සබඳතාවයක් පවත්වාගෙන යනකොට ඒකට නිසි ගරුත්වයත්, අවධානය-සැලකිල්ල ලබා දෙන්න ඕන. ප්‍රේමය හා බැඳුනු සබඳතා වලදී අතිශයින් වැදගත් වනු ඇත
ඔයා, ප්‍රේම සබදතාවයට නිසි අවධානය නොදීමට පටන් ගත්තොත්, ප්‍රේමය කරන කෙනාව බැරෑරුම් ආකාරයෙන් නොසිතුවොත්, එම සබදතාවය මිය යාම පටන් ගන්නේ එතනිනි. එය සමහරවිට නවතින්නෙ තව කාලයකට පසුව වුවද දිනෙන් දින එය මිය යනු ඇත. ටිකෙන් ටික සිදුවන නිසා ප්‍රේමය සම්පූර්ණ මරණයට පත්වන තුරු ඔබට එතරම් නොදැනෙනු ඇත.
මුලදී පැවති ආදරය, ක්‍රමිකව වියැකෙනු ඇත. වෙනත් අයට ලංවීමටද ප්‍රේමය කඩාකප්පල් වීමටද මූලිකව හේතු වන්නේ මෙම නිසි අවධානය ලබා නොදීමේ ගැටළුව නිසාය.
යම් ලෙසකින් ඔබ, ප්‍රේමයට ලබාදිය යුතු අවධානය අඩු කරන්නේ නම් එය ප්‍රේම කරන කෙනාට යම් තරමකට දැනෙන්ට පටන් ගනු ඇත. එයම අවසානයේ ආරම්භය වන්නට ඉඩ ඇත. ඔබ කරන රැකියාව මහන්සියෙන් කල යුතු බව සැබෑය. නමුත් වැඩියෙන් වැඩ කරන්නට යෑම ආර්ථික පැත්තෙන් හොඳ වුවද සබදතාවය දුරස් විමට හේතු විය හැක. එනිසා ලග සිටින වෙලාවෙ මෙන්ම දුරින් සිටින වෙලාවේද ඔබට අවශ්‍ය විවේකය නිදහස බුක්ති විඳින අතරම ප්‍රේමය වෙනුවෙන් කැපවන්න. මක්නිසාද යත් මුදල් තව ඉපයීය හැක. එය කවදා කෙසේ හෝ විය හැක. ප්‍රේමයක් නැති වුවොත් එය නැවත ලැබීමේ ප්‍රවණතාවය අඩුය.
තමන් සමග සිටින සියලුදෙනාට, මේ වෙලාවේ තමන් සමග සිටින සියලු දෙනාට ඉතා සැලකිල්ලක් දැක්විය යුත්තේ එබැවිනි. එනම් මේ මොහොතේ ඔවුන් ගැන සැලකිලිමත් වන්න. කල හැකි සියලු දේ කරන්න. එවිට පසුවට දුක් වීමට හේතු අවම වනු ඇත.
මේ කාරණය ආදර-ප්‍රේමයට අදාලව පමණක් නොව පවුලේ අය සමග සම්බන්ධයටද අදාලය. අප අත්දැක ඇති බොහෝ අවස්ථා වල රැවටිල්ලට හසුවන දරුවන්, වැරදීම් වලට ලක්වෙන දරුවන්ගේ තම පවුල සමග තිබෙන සම්බන්ධතාවය දුර්වලය. ඔවුන්ගේ ආර්ථිකය දියුණු තත්වයක වන්නට ඇත.
එහෙත් තමන්ගේ අම්මට, තාත්තාට දෙයක් කියන්නට ඔවුන් බියක් දක්වයි. නැත්නම් කැමති නැත. ඔවුන්ට නොදන්නා කරුණ නම් දෙමාපියන් ඒ වයස පසුකර පැමිණ ජිවිතයේ බොහෝ අත්දැකීම් ඇති අය බවයි. දෙමාපියන් තම දරුවන්ට වරදක් කරන්නට සිතන්නේද නැත. එනිසා ප්‍රශ්නයක් ඇසුවොත් ලබාදිය හැකි හොදම පිලිතුර දෙනවා නොඅනුමානය.
තමන් සමග සිටින සියලුදෙනාට හොදින් සලකන්න. ගරුත්වය දෙන්න. ප්‍රේමය නිසි ලෙස රැකගන්න. තම ගරුත්වය රැකගන්න. දෙමාපියන්ට, පවුලේ අයට සලකන්න. සතුටින් ඉන්න.
Saru FM Media
