ඇත්තටම ස්මාට්ෆෝන් එකක් කියන්නේ තවදුරටත් කෝල්ස් ගන්න විතරක් හදපු ගැජට් එකක් නෙවෙයි. ඇත්තටම සිද්ධ වෙන්නේ දැන් කාලේ ස්මාට්ෆෝන් එකකින් සෑහෙන්න සන්නිවේදන, විනෝදාස්වාද, වෘත්තිමය වැඩකටයුතු ගණනාවක් කරගන්න එක. ඒ අතරේ ඕන නම් කෝල් එකකුත් ගන්න පුළුවන්!
දැන් ඔය විනෝදාස්වාද කියන කෑල්ල ආවහම අපිට ස්මාට්ෆෝන් ගේම්ස් අමතක කරන්න බැහැ. ඉස්සර පොඩි පහේ ෆෝන් වල තිබුණු ස්නේක්, බවුන්ස්, ටෙට්‍රිස් වගේ ගේම්ස් නෙවෙයි දැන් ස්මාට්ෆෝන් වල තියෙන්නේ. පරිගණක ක්‍රීඩා, කොන්සෝල් වීඩියෝ ක්‍රීඩා වගේම බොහොම සංකීර්ණ ක්‍රීඩාවන්.
දැන් කොල්ලෙක්ගේ ස්මාට්ෆෝන් එකක් ගත්තොත් අනිවාර්යයෙන්ම තියෙන්න පුළුවන් ගේම්ස් කීපයක් තියෙනවා. හැබැයි අද අපි කියන්න යන්නේ අනිවාර්යයෙන්ම කොල්ලෙක්ගේ ස්මාට්ෆෝන් එකක තියෙන්න පුළුවන් විදියේ ගේම්ස් වගේම, අනිවාර්යයෙන්ම තිබිය යුතුයි කියලා අපි කියන ස්මාට්ෆෝන් ගේම්ස් කිහිපයකුත් ගැන. මේ එක් එක් ගේම්ස් එකිනෙකට වෙනස්. අන්න ඒ නිසාම කොල්ලෙක්ට කෙල්ලෙක්ට කම්මැලි කම යන්න ගහන ගේම් එකක් විදියට වගේම, ඊට එහාට ගියපු අත්දැකීමුත් ලබාදෙන විවිධ ගේම්ස් එකතුවක් වෙයි මේ ලිස්ට් එක!
ඇයි අපේ ලිස්ට් එකේ මුලටම PUBG තියෙන්නේ? හේතුව සරලයි. PUBG කියන්නේ ගේම් එකක් නෙවෙයි, ආගමක්! PUBG ගහන හාදයෙක් දන්නවා ඒක. හැබැයි එකක්, PUBG කියන්නේ ඇබ්බැහි වෙන්න ඒ තරම් හොඳ ගේම් එකක් නෙවෙයි. මොකද යන එන ඕනම තැනක ඉඳගෙන PUBG ගහන්න බෑ. ගේම් එකක් පටන් ගත්තට පස්සේ තාවකාලිකව නවත්තලා තේ බීලා එන්න බෑ. අඩු ගාණේ පැය බාගයක්වත් කෝල් එකකටවත් ආන්සර් නොකර සම්පූර්ණ අවධානය මේ ගේම් එකට දෙන්න වෙනවා. ආන්න ඒ නිසා මේ ගේම් එක ගැලපෙන්නේ නිවී සැනසිල්ලේ ඉන්න වෙලාවක, දවසකට එක පාරක් හෝ දෙපාරක් වගේ සෙල්ලම් කරන්න තමයි.
කොල්ලෙක්ගේ ස්මාට්ෆෝන් එකක තිබුණට කමක් නැති හෙවි ඩියුටි ගේම් එක තමයි මේ.
Ring of Elysium
Apex Legends: The Origin
Ark: Survival of the Fittest
කවුද අකමැති එළවලුවක් වවාගෙන, ඒකෙන් කෑමක් බීමක් හදාගෙන, ඒවා ඉම්පෝට් කරගෙන ඉන්න? ඇත්තටම ටවුන් බිල්ඩින් ගේම් වල වෙනමම ආතල් එකක් තියෙන්නේ. ටවුන්ෂිප් ගේම් එකේ ඇත්තටම තමන්ගේ නගරය නිර්මාණය කරනවට එහා ගියපු දෙයක් තියෙනවා. තමන්ට දේවල් වවන්න, සත්තුන්ගෙන් එකතු කරගන්න පුළුවන්. ඉන් පස්සේ ඒ අමුද්‍රව්‍ය වලින් ආහාර පාන, ඇඳුම් පැළදුම් විතරක් නෙවෙයි, ප්ලාස්ටික් බඩු භාණ්ඩ, කඩදාසි වගේ දේවල් පවා නිෂ්පාදනය කරන්න පුළුවන්. මේ නිෂ්පාදනය කරන දේවල් පිටරට යවන්න, ඒවා අවශ්‍ය පාරිභෝගිකයින්ට විකුණන්නත් පුළුවන්. ඒ වගේම අනෙක් ක්‍රීඩකයෝ එක්ක හොඳ සම්බන්ධතාවයක් පවත්වා ගෙන යන එකත් මේ ගේම් එකට වැදගත්.
ටවුන්ෂිප් වගේ ගේම් එකකට ඇබ්බැහි වෙන්නෙ නෑ. තමන්ට ඕන වෙලාවකට විතරක් ප්ලේ කරන්න පුළුවන්. ඕන නම් දවසකට විනාඩි පහේ ඒවා දෙකක් වගේ අරගෙන ටවුන් එක මේන්ටේන් කරගෙන විතරක් ඉන්නත් පුළුවන්.
Megapolis
Top Farm
Village City Island Sim Build
Saru FM Media
