දැන් ඔය සෙක්ස් කරන සීන් එක හැමදාම එකම විදියට කරන්න ගියහම කාටද බෝරින් නොවෙන්නේ? අන්න ඒ නිසා සෙක්ස් කරනකොටත් පොඩ්ඩක් වෙනස් වෙනස් දේවල් අත්හදා බලන එක, හොයලා බලන එක නරක දෙයක් නෙවෙයි. දැන් ඔය බැන්දට පස්සේ සෙක්ස් ලයිෆ් එක රසගන්වා ගන්න ක්‍රම සහ විධි ගැන එහෙමත් අපි ලියලා තියෙන්නේ ඔන්න ඕක නිසාම තමයි. ඇත්තටම තමන්ගේ සෙක්ස් ලයිෆ් එක වඩාත් රසවත් කරගන්න දෙන්නම කරන්න කැමති විවිධ අත්හදාබැලීම් වලට, අලුත් දේවල් වලට යන එක බැඳපු කපල් වලට විතරක් නෙවෙයි, බැඳපු නැති කපල් වලට එහෙම වුණත් ඉතාම හොඳයි.
ඔන්න ඔය වෙනස් දේවල් වලින් එකක් තමයි වතුරේ බැහැලා සෙක්ස් කරන එක. ඒ කියන්නේ ෂවර් සෙක්ස් ගැන නෙවෙයි. හැබැයි බාත් ටබ් එකක වගේ බැහැලා සෙක්ස් කරන එක. ඕන නම් පූල් එකක, ඇළක දොළක විලක එහෙම බැහැලත් සෙක්ස් කරන්න පුළුවන්. ඒත් ඔය සමහර සෞඛ්‍ය අවදානම් එහෙම ඒ තැන් වලදී මගහරවා ගන්න වෙනවා. ආන්න ඒකට අවශ්‍ය කරන උපදෙස් කීපයක් තමයි මේ.
වෙන කතා කරන්න දෙයක් නෑ. මහජනතාවට ප්‍රවේශය තියෙන, ගොඩක් මිනිස්සු බහින, පොඩි උන් සෙල්ලං කරන පූල් වලට බහිනවා කියන්නේ ඉතින් මොන ලෙඩ හදාගන්න වෙයිද කියලා කියන්න බෑ කියන එක තමයි. පබ්ලික් පූල් විතරක් නෙවෙයි, ඒ වගේ ලොකු මිනිස්සු ප්‍රමාණයක් පරිහරණය කරන, ජලය හොඳින් ගලා යෑමක් සිදු නොවෙන වතුර තියෙන කිසිම තැනක බැහැලා සෙක්ස් කරන්න තියා හිතන්නවත් එපා. සෞඛ්‍යයට කිසිසේත්ම හිතකර නෑ.
සාමාන්‍යයෙන් වතුරේ සෙක්ස් කරනකොට තියෙන ප්‍රධාන ප්‍රශ්නයක් තියෙනවා. ඒ තමයි අපේ ඇඟෙන් ස්වභාවිකවම නිෂ්පාදනය වෙන ලිහිසිකාරක නැතිනම් ලුබ්‍රිකන්ට් වතුරෙන් සේදිලා යන එක. එතකොට එහෙම ස්වභාවික ලිහිසිකරණයක් නැතුව සෙක්ස් කරන එක වේදනාකාරී වෙනවා විතරක් නෙවෙයි, ඒකෙන් ඇතිවෙන ක්ෂුද්‍ර මට්ටමේ සීරීම්, සමේ පැලුම් වලින් ඔය වතුරේ තියෙන විෂබීජ එහෙම ගිහින් ආසාදන ඇතිවෙන්න තියෙන ඉඩකඩත් ඉතාම වැඩියි.
අන්න ඒ නිසා වතුරේ සෙක්ස් කරනවා නම්, අනිවාර්යයෙන්ම කෘත්‍රිම ලිහිසිකාරක පාවිච්චි කරන්න ඕන. හැබැයි ඔය කේවයි ජෙල් වගේ වෝටර් බේස් වෙච්ච ලිහිසිකාරක හරියන්නෙත් නෑ. වතුරේ සෙක්ස් කරන්න හොඳම දේ තමයි සිලිකන් බේස් වෙච්ච ලුබ්‍රිකන්ට්.
වතුරේ සෙක්ස් කළහම ප්‍රෙග්නන්ට් වෙන්නෙ නැද්ද? කවුද එහෙම එව්ව කියලා දුන්නේ? වතුරේ වුණත් අනාරක්ෂිතව සෙක්ස් කළොත්, අනාරක්ෂිත සෘජු ලිංගික සංසර්ගයකට ගියොත් අනිවාර්යයෙන්ම ප්‍රෙග්නන්ට් වෙනවා. හැබැයි ගොඩක් දෙනෙක් හිතන විදියට පූල් එකේ කෙනෙක් ශුක්‍ර තරලය පහ කළා කියලා, ඒ පූල් එකේ එයත් එක්ක සෙක්ස් කර කර ලඟින් හිටපු අනික් කෙනා ප්‍රෙග්නන්ට් වෙන්නෙ නෑ. හොඳම දේ තමයි ඔය ගිලින පෙති හෝ ඩෙපෝ ප්‍රොවේරා වගේ දීර්ඝකාලීන උපත් පාලන ක්‍රමයක් පාවිච්චි නොකරන කෙනෙක් නම්, කොන්ඩෝම් හරි පාවිච්චි කරන එක. අන්න එතකොට පූල් එකේ සෙක්ස් කළත් අවුලක් වෙන්නෙ නෑ. හැබැයි ඉතින් කොන්ඩෝම් වුණත් වතුරට බැහැලා සෙක්ස් කරනවා නම් හරියන්නේ ලේටෙක්ස් කොන්ඩෝම් තමයි. හැබැයි එතකොටත් ඉතින් තමන් පාවිච්චි කරන තෙල් පදනම් වුණු ලුබ්‍රිකන්ට් එහෙම වලින් ලේටෙක්ස් කොන්ඩොම් වලට හානි වෙන්න පුළුවන් කියන එකත් මතක තියාගන්න ඕන.
ලිංගාශ්‍රිතව සම්ප්‍රේෂණය වෙන රෝග සම්බන්ධයෙන් ගත්තත් උඩ කතන්දරේම තමයි කියන්න තියෙන්නේ. පූල් එකේ හරි හොට් ටබ් එකේ හරි සෙක්ස් කළා කියලා ලිංගිකව සම්ප්‍රේෂණය වෙන රෝග තමන්ගේ පාට්නර්ට තියෙනවා නම් තමන්ට සම්ප්‍රේෂණය නොවී තියෙන්නෙ නෑ. එහෙනම් මොකද කරන්නේ? විශේෂ දෙයක් අවශ්‍ය නෑ. සාමාන්‍යයෙන් ලිංගිකව සම්ප්‍රේෂණය වෙන රෝග වලින් බේරිලා ඉන්න පාවිච්චි කරන ක්‍රම සහ විධි තමයි පාවිච්චි කරන්න ඕන. ඒ කියන්නේ විශ්වාසවන්ත එක් සහකරුවෙකු හෝ සහකාරියක සමගින් ලිංගිකව එක් වීමේ ඉඳන්, ලිංගික එක්වීමකට කොන්ඩෝම් පාවිච්චි කිරීම දක්වා කාරණා. අන්න ඒ කොන්ඩෝම් සම්බන්ධයෙන් ආයෙමත් උඩ පොයින්ට් එක බලන්න.
Saru FM Media
